今日個 office 好靜，因為好多同事已經開始放假喇，有好多仲要到出年先返添！搞到聖誕前的 office 好似好冷清咁！今日終於都有多啲時間俾我清番手頭上的工作，六點度就走得喇！

今晚約咗 Janet、Gloria、Larry、Nicholas 同埋 Sammi 去旺角打邊爐，今晚竟然係我最早到，成半年冇見喇，Sammi 剪咗個新短髮，識咗佢七年都未見過佢短髮個樣，Janet 就話自己殘咗，但係佢就搵到個新男朋友，仲俾咗啲相我哋睇，Gloria 呢個小富婆聖誕又去旅行，今次佢會去首爾，做 Miss 真係好，又多假，人工又高，Larry 又瘦咗，原來佢之前減肥減到有厭食症，好彩唔係太嚴重，宜家冇咩事，Nicholas 就冇乜點變，但係佢聖誕假都要返工，真係慘，食到九點半就走喇，開心的時間過得特別快呢！

今日湯米仲係唔舒服，但係就點都唔肯聽我講，點都唔去睇醫生，叫佢請 SL，佢次次都話睇吓聽朝起身覺得點先算，激死人，一日拖一日，唔通等到聖誕病咗先去睇醫生咩！話極都唔聽！