今日下晝同湯米去咗石塘咀附近食下午茶，我叫咗個雞中翼午餐肉加雞蛋通粉，仲有奶油多，而湯米就叫咗個火腿芝士飛碟，樣樣嘢都好好食，唔錯！之後我哋就過咗去旺角，我終於都買到一件褸喇，我好鐘意呀！跟住行吓朗豪坊，去埋太子，過埋去尖東，睇咗一陣燈飾，尖咀好多人呀，一見到咁多人就驚，唔知係咪人大咗？！好怕去咁多人的地方，跟住唔想漫無目的咁行，所以就返屋企喇！冇估到平安夜咁早就返屋企，其實聖誔節都係一大班朋友出去玩開心啲！希望下年可以啦！又或者第時搬出去住，約埋一班朋友上嚟屋企開 Christmas party，咁就超好玩喇！諗起都興奮呀！