To：琳

我開心話二月十四去環球嘉年華係因為老細話會喺 Office Hours 時去，所以唔使做嘢，如果係咁就好喇，但係嗰日湯米夜晚都要去聽 Talk，所以我諗都唔會特別慶祝喇！！！

今日好凍呀，我最怕凍，天氣凍我就唔想郁，好想瞓，但係因為後日就要考試喇，今日十一點幾就起身溫書，一路溫書一路食零食，到五點幾就去金鐘買啲嘢，同埋約咗湯米喺金鐘等，但係我買唔到我要買嘅嘢，之後去搵湯米，一齊去咗銅鑼灣行街，本來想買衫，但係又買唔到，反而湯米就買到一件褸，一件衫同一條牛仔褲，之後我哋行去灣仔新高麗苑食韓燒，食到好飽呀！