今日瞓到下午兩點先起身，瞓咗足足十三個鐘，嘩嘩嘩，勁勁勁，因為湯米話想睇草蜢演唱會，所以我哋去咗大會堂睇吓仲有冇飛賣，但係啲位唔係咁好，所以冇買到，之後行咗去金鐘問嘢，最後我覺得唔係咁好，所以冇做到，之後去行街，又過咗去尖咀，再去埋太古，想買去 Annual Ball 著嘅衫，但係都搵唔到，點解買件衫都咁難？！今日好開心，HMV 大減價，俾我買到 Alanis Morissette Jagged Little Pill 嘅 Acoustic 版，我想買好耐架喇！嚟緊有幾隻碟我都好期待想買架，但係我唔會喺呢度講，因為湯米見到又會早我一步買俾我，唔可以咁架！！！