今日返到公司，公事包都未放低，舅父就叫我幫佢分 House 票，激死人喇．．．等人簽埋個名先都得卦！今日有成萬六票，十點鬆 d 就睇晒，因為 Jacky 睇左四千幾票，所以先咁快睇晒，佢聽日放假就唔知點算喇，0199 一定又會出黎嘈啦，今日收到個好消息，就係唔使再派傳單喇，好野，放工諗住返屋企訓覺，但係訓極都訓唔到，點解咁架，於是拎起左 GiGi 同楊采妮本交換成長日記睇，都幾好睇喎，d 插圖都幾靚，睇左陣又拎番本蒲精列傳出黎睇，都係呢本書吸引 d，跟住發覺原來仲有本抱抱書係櫃桶入面仲未拆袋，唔得，我要用多 d 時間去睇埋 d 書佢，唉，仲有借左 Raymond 本書都未睇添，不過都係還番俾佢先喇，我諗我宜家都唔想睇 d 咁慘既書喇，同埋決定唔睇我的馬拉松喇，費事又喊到豬頭咁！