今朝六點幾肚痛到醒咗，今日返工好多嘢做，今日又輪到 Terry 請食 Tea 喎，下晝湯米打嚟話佢放工買嘢俾我食，跟住陪我過埋去銅鑼灣然後先返屋企食飯，好 Sweet  呀！！！開心！嘻嘻！但係今日放工有同事行喺我後面，搞到我同湯米好似要偷偷摸摸咁，唔鐘意，但係費事又俾啲同事問長問短，都係唔好俾佢哋知有人等我放工，仲要係一個男仔，湯米買咗砵仔糕俾我食，一人一個，今晚自己一個做尖同跳 BS(1)，個音樂唔同咗，連節奏都慢咗，但都係出好多汗！