今日朝早樓下又有人鑽牆，已經係連續兩個星期六係咁，真係 XYZ 佢呀！今日同湯米去咗曬燈，跟住去咗按摩，但係今次按完好似成身散晒咁，好攰！夜晚就約咗 Trevor 食飯，同埋攞禮券，我哋約咗喺尖咀等，一如以往，都係要我等，Trevor 又話係張八達通咭壞咗，行咗一陣，我哋就搭車去旺角，又喺行咗一陣，去咗買啲嘢，跟住就去食飯，今餐 Trevor 請，多謝晒，之後我哋又去咗滿記食甜品，好飽，今日我哋兩個都話對方肥咗，我哋好似兩個低 B 仔咁喺街度行，唔知係咪我哋講嘢大聲，有時啲人行行吓寧番轉頭望住我哋，超尷尬！