因為 Judy 開始放產假
我要幫手做 Production 的工作
所以今日好忙
好多嘢做

準時放工同湯米去尖東食飯
間扒王之王好難食呀
湯米仲食咗個 108 蚊的餐
噢

之後我哋去咗百利
我要去 Andy 度試西褲
之後仲喺 RF 買咗一件 Tee 同一條短褲
其實我都想買短褲
湯米都覺得呢條短褲好好睇
但係我覺得貴咗少少

跟住同湯米去紅館睇演唱會
親親梁靜茹愛的大遊行演唱會
其實都幾期待架
因為曾經喺最唔開心的時候
都係靠梁靜茹的歌陪住我
試過聽分手快樂時喊過
聽可惜不是你時又會眼濕濕
梁靜茹的情歌就好似有一種魔力
令人聽了覺得好窩心
好感動
歌詞又好中

亦記得零五年的冬天
和湯米在酒店的床上
在曖曖的被窩中看電視
當時 MTV 台正好播著梁靜茹的特輯
電視每隔一陣便會播梁靜茹的 MV
因為她當時正發行新專輯 – 絲路
當時覺得她的 MV 拍得很美
很喜歡一對一和瘦瘦的
從此之後更喜歡她

今次演唱會看得出是有誠意
梁靜茹亦唱得好好
唱了很多歌
意外地見到楊千嬅做喜賓
梁靜茹講嘢時亦都好得意
好搞笑
氣氛都唔錯
唱分手快樂時梁靜茹喊了
全場和她一齊唱
好感人
但今次令我眼濕濕的歌竟然是 Fly Away

但係啲衫就差咗啲
同埋換衫位悶咗啲
冇一氣呵成的感覺
其實個台好多嘢睇
亦都應該算華麗
但係因為濱崎步的舞台實在太靚
所以有所比較之下
大大咁比下去了
但係咁樣對梁靜茹又不太公平

其實今日係傻一同湯米拍拖第二十二個月的紀念日
一如以往
我哋都有交換禮物同咭
多謝湯米