今日又係落雨，夜晚同問米婆、陳慧蘭、陳慧琳同周大雄去食飯，其實之前約過幾次，但係每次都有人病而取消左，好邪！其實問米婆今日都唔舒服，但係仍然照食！

周大雄仍然係咁搞笑，引到我地個個都笑，佢仲公佈左佢一個算係秘密既事俾我地知！我都好耐冇笑得咁多喇，其實笑完真係好舒服架！唔知點解每次食親飯問米婆都會好有威嚴咁問我地食咩同埋成日都叫人食多 D 野，好似一個大家姐咁！陳慧蘭今晚好靜，冇乜點出聲，只係負責笑，陳慧琳一如以往，仍然係有 d 聽覺失調，但係今晚佢飲湯竟然快過我喎！哈！

如果宜家呢份工冇左呢班同事，真係唔知點算！