今日仍然係好大雨，今日同同事調左唔使 OT，所以十二點就放工喇，跟住去食肉燥飯，第一次行半山行人電梯上半山，但係太大雨，所以上到半山都係要搭巴士返屋企，返到屋企成身都濕晒，換過衫再出去剪髮，第一次係屋企附近剪髮，剪得唔係咁好，好似好短咁，又求其，下次都係去過第二間，跟住落中環再去銅鑼灣買 D 野再去睇戲，第一次去數碼港睇戲，睇千杯不醉，幾好笑呀，故事簡簡單單，笑完就算，吳彥祖又型，楊千嬅又搞笑，跟住去左“藍天使”食飯，跟住就返屋企喇！

今日搭左好多車，有幾程搭到好似暈車浪咁，好頭痛，哈哈，多謝林一峰本書，多謝男人魅演唱會錄影 DVD，多謝燒碟，多謝．．．今日落雨著住對沙灘拖周街行，感覺好舒服！