今日返工心情好輕鬆
因為請咗半日假同湯米慶祝生日
傻一 book 咗枱去 Louis Steak House
同湯米食晏
因為傻一講咗好耐要去呢間 Steak House 食嘢
但一直都冇機會
呢間餐廳啲服務態度好好架
但係呢次啲嘢食好似冇以前咁好

食完晏傻一同湯米去咗 PP1 睇運動褲
湯米想買一條白色運動褲
但係試咗上身好似好透咁
所以湯米最後都冇買

跟住湯米陪傻一返屋企換衫
哈哈
喺屋企送咗份禮物俾湯米
係一部 NDS 嚟
因為傻一知道湯米鐘意打機
而湯米又已經有一部 PSP
咁所以就揀咗呢樣禮物
其實傻一都唔係好識遊戲機呢啲嘢
好彩多得朋友阿德幫手
唔該晒

跟住傻一同湯米去咗信和唱 K
去唱 K 之前傻一要去灣仔
攞之前訂咗嘅生日蛋糕
係檸檬軟芝士蛋糕
但係唔可以喺蛋糕上面寫名
只係得個生日牌
但係呢間蛋糕店啲蛋糕好好食架

跟住就去信和唱 K 喇
唱咗好多歌
滿足
唱 K 時同湯米切生日蛋糕
湯米話佢係第一次喺 K 房
咁樣食生日蛋糕呀

唱完 K 大約六點幾七點
傻一同湯米入赤柱食飯
搭小巴好快就去到
本來諗住行吓赤柱大街
但係啲鋪頭唔知係早收工
定係平日唔開
冇嘢行
真係失策
去咗香辣屋食飯
呢間香辣屋個環境好舒服
好似去咗渡假咁
但係啲嘢食都係黃金海岸嗰間香辣屋好食啲
搭車返屋企時又見到阿單
好邪

祝湯米生日快樂
身體健康
心想事成

其實今日都係傻一的媽咪生日
但係今日冇陪媽咪食飯
只係俾咗錢媽咪做禮物