今日,係我地F.5返學既最後一日,其實我雖然睇落去係好開心,但係返到屋企,我真係有D眼濕濕.....
今朝AM 6:00起身,我就去左刷牙,洗臉同沖涼,整好野都AM 6:45,跟住就打比昭傑.....點知佢岩岩先起身,佢話整完野打比我,咁同人傾左陣電話,再打比昭傑,佢出左門,仲要就到.....我就拿拿聲自己一個行去,行到勁快,又熱.....坐左一陣,見左兩個同學去隔離食,又唔洗迫,就去左隔離食,見到樹烊同佢個同學.....食完就返學校,拎粉筆盒同鎖時,最後一日拎,平時雖然覺得好煩,但係今日我好想拎.....
上到去就打鐘,跟住Miss叫我幫佢收錢,收完就落去換$2,上到黎先話攪掂.....跟住頭兩堂都係到玩,小息出左去,同佢地講最後一日啊個D,嗯~小息之後就番去,數學堂,又係到玩,之後兩堂中文,有一堂派佛學卷,仲有一堂就坐左後面諗下野咁.....
好快就Lunch La~今日Lunch諗住成班Fd出去食,點知,得我同浩倫.....個時真係好唔開心,不過.....算啦,最後一日,一定要珍惜,可能係佢地真係唔知道.....跟住就同梓勤,飛龍,國樑,浩倫食....去左椰林閣,可能今日又係最後一次既學生餐了.....食完返到去,就打鐘,跟住上英文堂,同翠研個D傾計同影相.....最後兩堂化學,坐左去第一,二行個邊傾計,比人係咁整.....最後,蘇碧喊.....我諗係班到,唔會再有機會訓教,平時就成日訓教,今日覺得.....唉~最後幾分鐘,眼白白睇住咁過,如果時間可以停留你話幾好.....
放學之後,係4樓都有人唔走,李樹同梁炳,浩倫都上埋黎.....之後又同英,李樹,浩倫,阿倫,梁炳個D影相.....影完,佢地都一個一個走,浩倫,友誼永固.....雖然我地成日嘈交,但係今日,我先珍惜,會唔會太遲?
落到去,同堅,聰打左陣籃球,之後去起爐,起完爐就燒野食,真係要好好珍惜最後一次,燒左好多芝士腸.....仲有蘇碧佢燒左豬頸肉比我食,真係好多謝你.....我一定唔會忘記,燒左一塊麵包比表妹,之後自己燒多幾塊麵包食,就去左出籃球.....打左一陣,見到地下有個水蛋,拾左上黎,一望前面就見到Alien Mak,你遇到我真係唔好彩啦,HaHa.....之後係Alien Mak後面,係佢個頭上面,個水蛋一Lin,就爆左,D水由頭開始流落去,跟住佢係咁追住我,HaHa.....冇幾耐,我係佢前面,阿堅係佢後面又整多個,之後係咁追我地,三個係咁走.....HaHa,見今日最後一日,玩盡去,Good~之後拾完野,係樓梯影埋最後全班既幾張相,我地就散場.....唉~我真係好想同你地5E,包括BCHCLMC既人講,唔捨得你地.....最後,我就自己一個行返屋企.....
5年既時間E+先覺得太短,我真係覺得太短!!!!可唔可以比多5年我呀!係,雖然我讀書係差,係唔好,但係,我都起碼有識過一班好好既同學,朋友.....佢地全部對我黎講,都好重要,冇佢地,我都唔會有咁開心既校園生活.....下面既歌,我送比你地,希望鐘意~
友共情
下雨天 總掛念從前 球場上那可愛片段
突然又已一年 祈望再會面
舊朋友 就算心永未遙遠
但這刻渴望見 即使重聚再短
時光可變 世界可變 人情亦許多都變遷
友共情不變 那種真找不到缺點
你我再次相見 隨年和月 身心雖秏損
友共情從難扭轉 心內那熱暖
仍是純真未變
(Half Rap):NOW AND THEN
THINK OF YOU AND ME
FOREVER FRIENDS FOREVER WE'LL BE
TIME IS CHANGIN' BUT NOTHING'S TO BE BLAMED
COS OUR HEART FOVEVER SING |
