今日訓得三個鐘就起身,落去飲左杯華田就行返去,唔夠訓.....返到去抹殼,打糯米滋 同 燒餅,PM 12:30食Lunch.....食完返去炸包,打咸,今日食全餐,真係慘.....食到PM 4:30打完,跟住傳粉,PM 5:15就放工.....好在仲頂得住.....

側田 - 有火:

如果做正常人　求其就似應分
然後坐定　等伯樂接近
無限個可能　永遠不降臨
頭白了　用柺杖抱憾

情願做個傻人　來流露我天份
強烈渴望　轉化成信任
無視我的人　冷笑的某人
明日會見識一次地震

人總要死一次　留下灰塵
原諒我　決心不安分　坐不穩
狂一次　瘋一次　全力追尋
流著血　動魄驚心　也好過等

無餘地向前行　難行亦向前行
人越有火　攻擊會越掯
不惜氣力行　噓當做陪襯
捱過夢想總會漸近

總要闖一次　誰話不能
還未上　意志先消沉　怎甘心
狂一次　瘋一次　才是超人
流著血　動魄驚心　也好過等

無餘地向前行　難行亦向前行
人越有火　攻擊會越掯
不惜氣力行　噓當做陪襯
疲倦了　至少不似被囚禁

無餘地向前行　無懼繼續行
人若有火　燒出去別忍
不惜氣力行　噓當做陪襯
還在唱　掌聲終會步近

今日PM 6:35起身,整好野就落去食野,食完野行返去,今日都唔係好多野攪,下午炸完包打完水皮都冇野攪,過左隔離幫師父,到PM 5:45就放工.....

返到去沖涼,PM 7:10出門去搵梓勤佢地BBQ,跟住搭巴士去大尾篤去到搵到位就係咁燒野食,燒到PM 10:45到黃偉佢地黎,跟住係到傾下計咁,佢地玩789,勁攪笑.....約AM 3:00就搭的士返去6,今日真係玩得幾開心,未試過咁多人一齊玩.....

今日起身之後就刷牙洗臉,落去食早餐,食糯米雞.....食完AM 7:20行返去,返到去抹殼,甩蛋撻殼.....阿狄返左黎,你終於都返黎喇.....整完D野就過去隔離包燒餅同糯米滋,今日拍 文師兄.....一路包一路係到傾計,終於可以準時食Lunch喇~!!!!!食完返去炸包,跟住打左三份水皮,打奶黃,吞拿魚 同 雞尾油.....洗埋地PM 6:00放工.....

行返去個時同阿堅傾左陣電話.....返到Home沖涼,跟住打比黃偉,大約PM 7:00出門,跟住就一齊去搭72x巴士去旺角.....去到就行左好多間鋪.....跟住買左條褲,我覺得唔錯嫁,因為黃偉選.....跟住就周圍睇下鞋,衫 同 外套 咁.....要遲D先買,行到PM 10:00就去左KFC食野,我地兩個人食左個 皇牌一桶分享 ,食到我地兩個都勁飽,哈哈.....跟住就行左去買野,行到差唔多PM 11:30就搭返巴士返到,返去個時傾左好多野,傾F.3個時.....傾到我地兩個笑死左,返到Home都PM 12:45,約左下個星期五再出去,今日既收獲已經好滿意,希望下星期再多D正野啦.....期待下星期五啊~!!!!!

今日PM 7:30起身,刷牙洗臉沖涼,跟住就去做智能身分證.....都做左唔係好耐,做完就去飲茶,叫左婆婆,大舅母去.....飲茶都見到好多熟人,飲完就返學校拎成績表,學校D人好多都係新面孔,未見過.....拎完就返屋企,差唔多PM 2:55出門,仲係開唔到戶口.....又要等放假.....PM 6:00返到屋企食飯,聽日放工就去買衫褲鞋,期待緊聽日啊.....

今日AM 7:35返到去,抹殼甩蛋撻殼.....跟住打糯米滋 同 燒餅,打成七機燒餅,勁慘啊.....今日連Lunch都冇食到,因為D野趕唔哂,所以順便幫師父攪埋D野.....跟住炸包,啤皮,打奶黃 同 水皮.....整完野就刨芝士,PM 5:55放工.....聽日於終可以放假喇.....PM 7:00同黃偉傾左陣電話,約左星期五去買衫褲鞋,順便一齊食晚飯,好耐都冇一齊出街同食飯6.....