噚晚返到屋企

開電視就見到現場直播

問細路咩事

佢話有15個香港人俾人脅持

我見到菲律賓D「特蠢部隊」開始拯救行動

我個時諗

車上唔係有電視咩

而且個邊都係直播

其實佢地既位置俾個前警察知道哂

真係好危險

佢地一開始就堆哂係車尾

有時前面個人會撞到後面個人

因為太多人堆埋一齊

之後有成員用鎚打爛玻璃

打門既玻璃個時

個鎚竟然跌左入去

跟住我諗其實後面咪有太平門囉

洗唔洗係前面搞咁耐

好彩之後有個醒目D既成員開左太平門

佢地先放棄前門

其間有槍聲

唉~

佢地係咪應該係拯救行動開始前先了解旅遊巴既構造呢?!

之後個新聞報導員話前門有野

係個屍體

個時唔知點解個心彈左一彈

真係好得人驚

今朝睇報紙

先知原來個俾人革職既警察係9:00已經脅持左D人質

咁多時間

點解「特蠢部隊」唔開始救人?!

個俾人革職既警察放左9個人

大部分係老人家同細路仔

其實佢都唔係好衰

睇報紙D訪問先知

個前警察因為睇左新聞

佢D家人被捕

情緒開始激動

先會開槍

其實責任係唔係要歸咎於菲律賓政府?

佢地無端端革人職

又冇一個良好既拯救計劃

最後造成人質8死7傷

死左大部份人質

希望佢地能夠安息

傷者能夠快D康復

死者家屬能夠早日脫離傷痛

我地一齊為佢地祈禱啦!!!!!!!!!!!!!!!!!!!