噚日細路學校舉行結業禮

話左年好好笑既時我聽

頒獎個時

個司儀讀名個時

讀左個好奇怪既名------隻抽玲

細路隔離個個人好認真咁問我細路

「個人個名咁既?!唔通佢好鍾意同人隻抽???」

個時細路已經為個名忍笑中

仲好笑既係佢前面個排坐住既係嘉賓

細路見到前面個個嘉賓聽完佢講之後

個膊頭係咁抽搐

佢應該係偷聽緊佢地既對話

忍唔住笑左

細路話個司儀讀完之後忍笑咁出黎攞獎

原來隻抽玲就係佢

連台上既嘉賓都拚命忍笑

何況台下既學生......

個司儀仲要忍住想爆笑既衝動

扮嚴肅咁影相

更加好笑既係......

由於佢地學校只係舉行一場

所以有d學生要係下面聽現場廣播

不過下面個咪係慢現場好多好多

之後禮堂d人已經平服心情既時候

樓下......

突然間傳來爆笑聲......

禮堂d人又再一次忍笑

後來個司儀出左幾次拎獎

原來個名叫鄭秋玲......

佢自己讀錯自己名