今日同危去左佢小學開左開房溫書

溫到下晝一點半左右

同佢出去食飯

去左五十嵐

等位

危細細聲講:千祺唔好同人搭枱~

點知.......

隔左一陣個侍應話:9號飛

行到入去......

果侍應話:唔好意思,要搭枱.

er..........

危你把烏鴉口!

張枱係廂位

佢地坐左左面張枱

咁我同危就尷尷尬尬咁坐係右面張枱......

對住兩個陌生人同枱食飯?!

好尷尬.........

坐左一陣(未嗌野食)

雖然我地兩邊都唔會有交流.......

不過氣氛好尷尬..........

諗諗下......

同危走佬

果兩個人見住我地走一定尷尬死

不過冇可能對住佢地食飯架嘛......

會食唔落xd

之後2點3,4左右再去

佢地走左

危話佢地好似一樣樣

係孖仔黎

又唔叫我睇!

我淨係見過小朋友既孖仔

未見過同我地差唔多年紀既孖仔!!!

好想知係咪真係一樣樣

錯過左添.........

之後返去溫書

玩左滑板車~

返入房

坐到好攰....

換姿勢~

我見房冇其他人~

得我同危兩個女仔~

粗魯d唔緊要啦~

於是將腳放係另一張登度(好唔斯文.....)~

點知隔左一陣...

有人入黎-.-"

縮唔切腳.....

比佢見到..........

好瘀啊!!!

之後好悶~

同危係度吹水+玩

佢唱d健康操既兒歌....

仲比我睇段健康操果首歌既mv.......

洗左腦....

一直同危大聲講笑.....

又唱下隻洗腦歌........

後來勁耐先醒起......

出面會聽到....

咁我唱低b歌咪俾人聽到哂囉!!!!!

瘀死....

之後

走果時已經天黑lu~

我見條路冇人又悶悶地

咪哼歌囉xd

點知.....

轉角位差d撞到一個着住校服既人-.-"

我雖然即時扮喉嚨唔舒服(即咳).......

但係佢應該聽到我哼歌....

瘀到爆....