我前日第4日返工~

食完早餐~

阿聰(玩得主任)擺手叫我過去

叫我睇d野~

關於我既~

心諗:有咩片係關於我架?

以為係跳舞d影片

嚇死-.-"

原來係神秘客俾我既評分表

神秘客係由總公司派黎既神秘人

佢唔會話你知係邊個

一個月好似有3個

佢會是但排一條隊

買野

睇你做成點

再評分

寫評語

交俾總公司

做得耐既會睇得出邊個係神秘客

由於我係新手....

所以唔知係邊個....

原來係我第三日返工果時佢黎左......

果日我第一次自己操一條line

點解會遇到神秘客架

不幸t^t

睇番評分同評語~

都ok啦~

78分^^

阿聰話以新手黎講好好架喇

呵呵~

開心~

個神秘客話我笑容好真誠,好誠懇

所以排隊排得耐都唔係好介意

哈哈~

我e+先知原來笑容係咁好用架xd

等我濫用下我d笑容先xd

我唔笑會好串

不過第一日開自己line

梗係笑得燦爛啦~

幾日之後可能冇哂笑用架喇xd

因為第一日開line既熱誠會多d嘛~

我慢同冇推介小食俾客人.......

所以扣左分t^t

如果有100分可以有$300獎勵架!!!!

不過算啦xd

發夢啦~

新手點會第一日操一條line就100分喎

簡直荒謬t^t

所以雖然冇$300.......

但有78分都好滿足架喇~(其實個心勁想拎$300)

其實都諗住轉工.........

不過又好似好衰女咁....

雖然番左4日咁大把.......

不過人地教左我勁多野.........

走左咪好衰囉?

話哂人地哂左咁多時間......

唔想家姐又重新教過D人.....

好似好對唔住佢咁.....

點算?!點算?!

~~~~~~~~~~~~~~~~~~~~~~~~~~~~~~~~~~~~~~~~

同個朋友傾msn

佢搬屋

傾傾下

佢執緊野,pack緊d野入箱

佢話新屋冇雜物房

所以好多野都要掉

佢話有一個公仔全新未開既,不過屋企冇位,要掉,話送俾我

下?!咁突然既?

我話:下?!真架?! 

我話如果搵唔到人要先俾我啦xd

佢問我住邊

我同佢屋企相距好遠下~

佢話可以寄比我

話我應該會中意

下?!

寄公仔?!

其實佢拎比隔離屋仲好啦xd

因為寄公仔比我好似太誇張

邊有人寄公仔架~xd

我重覆左幾次如果搵唔到人要先俾我

因為費事佢寄

唔好意思搞到佢要寄過黎咁煩

我一直都係以為佢講下only!

點知琴日看更叔叔叫我落去收包裹.............

我心諗:下?!唔通佢真係寄左隻公仔黎?!

好輕下~

我一睇.......

佢寫kathy pang

5月5號寄既

(佢好似5月4號同我講送比我......)

應該係佢啦~

差唔多廿蚊郵票-.-"

又要搵箱pack入去

又要搵白紙寫地址貼住

又要去郵局寄咁煩

佢拎比附近幼稚園仲好啦.........

俾我要哂咁多時間.....

令我最無言既係.....

我同佢其實一d都唔熟......

見都冇見過-.-"

連電話都唔會講-.-"

只係一時時傾下msn....

佢竟然真係寄比我-.-"

我番屋企拆~

隻公仔比我想像中大隻~

竟然大過chim同危個兩隻xd

我本身以為細細隻架咋~

而且好得意

係海賊王既喬巴公仔~

好可愛~

個公仔既頭比漫畫更加大xd

好好笑xd

佢手又拎住個好迷你既袋仔~

雖然對比佢個頭好迷你xd

不過其實都大到可以袋到部電話既xd

而且個公仔好好攬

多謝哂啊~~

好開心無端端多左隻公仔