琴日我返去學校練oral

11點幾電話係度震.....

不過老師係度....

又唔聽得喎.....

偷睇佢(唔開名,佢應該唔會想比人知佢病)比我既信息

嚇死!!!

大概意思係"病到想打999"

下?!咩事????做咩啊???

我又唔知佢點喎....

又唔走得喎...

好彩11點8左右放左

即刻打俾佢

佢好辛苦啊.....

把聲好虛弱.....

佢話想食粥

我又未搭輕鐵~

幫佢買啦!

soso係隔離聽住我講電話

聽到我送粥去佢屋企比佢食

哈~

soso呷醋

放心啦~

第時你病我都會做外賣妹將你需要既野送到你屋企架

我去左一粥面幫佢買左碗粥

之後搭車去向佢屋企出發lu~

佢大廈個看更唔知去左邊....

冇人開門俾我

唯有係下面禁上佢屋企叫佢開門啦......

佢一開聲....

嘩.....

把聲仲虛弱過頭先......

虛弱到連聽都好難聽得清楚.....

真係好嚴重啊!!!

我講真架.....

好嚴重......

上到去...

佢個樣好虛弱

屋企又冇開燈...

個氣氛好慘...

好似好悽涼咁

佢又得自己一個係屋企...

但係我下晝又有野一定要做....

對唔住啊~~

係fb,微博見到佢話嘔.....

唉......

點解佢一病就嚴重成咁架t^t

不過我都知佢堅強既~~~

加油啦!!!

會好快好架喇^^

送你<彭俐君使用券>一張~~

有咩要幫就call me啦~

今日電話24小時on call!!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好認同

【双子座心语】

如果你觉得我冷漠，傲慢，高傲，坚强

你好，我们是泛泛之交

如果你觉得我可爱又好玩，各种无厘头

嗨，我们是熟人

如果你觉得我很二，很轴，很傻，很白痴

我们是很好的朋友

如果你觉得看着我蛮不讲理，胡搅蛮缠，折磨人，粘人，爱哭，脆弱

谢谢你，我爱你。(係好好好好既朋友~~<----呢句我講既)

前日第6日返kfc~

俾客話我慢添

咁我返左一個星期都冇~~

想點喎.....

都未上手.....

梗係慢左少少架啦.....

又又記咁多餐....

早餐有m1,m2,m3

又有1-9號餐

又有a至f餐.....

仲有墨西哥薄餅餐.....

早餐就已經要記19個餐有d咩.........!!!!!!!

午餐又有1-6號餐(加配a-e唔同既野.....)

學生餐1-4號

兒童餐1-4號

又有2個唔同既焗飯餐

再有新出既雞脾王餐同驚世寶盒

再有3個桶餐!!!!(最多野執!!)

21個餐!!!!!

配雞果d餐又要再分辣雞,原味雞同燒雞

d雞又要再分雞胸,雞槌同雞上脾黎執-.-"

有飯果d又分兩種飯.....

煩到爆!!!

連薯格都要分原本果隻同反斗薯....

又有手指薯,同厚包,多士,鬆餅,蜜糖雞翼,葡鐽.....(總共9樣可以優惠價單買.....唔記左d)

下午茶時間除左午餐果d供應......

仲有a至d餐4個餐......-.-"

總共一日要記54個餐!!!!

m記都係黎殷去去幾個餐-.-"

10年不變...

而kfc?!

多到.....唉~~~

禁機又難搵-.-"

其實kfc做收銀冇你諗得咁簡單.....

又要執餐比客.....

有d客又要叫咩走醬,走肉,多奶,少甜,走冰,要代糖,加蜜糖,一個餐拎走一個餐係度食.....

好多唔同既要求t^t

入面整野整唔切又係我地比人話.....

果日朝早入面整d野唔知點解好焦.....

搞到我地出面個個都比客話.....

勁慘-.-"

明明唔係我地錯

有時冇咩客

有個女仔(係做kfc收銀)問我"你真係讀中六?"

下?!有話真唔真係既咩......

跟住我話"係啊~你個樣做咩咁驚訝既?!xd"

佢地話"真架?!點解分別咁大既?....我地以為你好細個......"

一問之下

先知原來佢地只係中三........

其實....

我想講唔係我個樣細........

我身邊同齡果d好多望落都係咁......

不過我唔好意思講

驚佢地唔開心:p

不過我發現好多都係中3.......

不過大多數既樣都係大個:p

但係我識左果度幾個中六個樣都好細個.........

yy同仲好可愛添^^

不過yy轉左下晝果更

見佢唔到.........

阿shan好好架~~

好多野傾^^

上次我頂帽戴得唔穩......

又未記熟餐....

成日抬頭睇:p

頂帽就跌..又冇手整xd

狂講"死喇!死喇!頂帽跌喇!"

佢即刻掉低手上工作幫我整^^

好好人~~

又加句"哈~你真係好可愛"

其實超唔好意思

因為俾個笑得黎好甜又可愛既女仔話可愛xd

怪怪地

雖然佢可能只係順口講一句xd

不過就算係亂講我都會記住架

其實真正意思可能係"你咁傻架~"

~~~~~~~~~~~~~~~~~~~~~~~~~~~~~~~~~~~~~~~~~~

琴日母親節~

kfc唔俾我請假t^t

所~以~我~講~左~大~話~呃~佢~俾~我~早~d~走~

殊~~~~

唔好話俾人聽啊

我3點走左lu~

去買送煮飯xd

砌到d送超靚

不過蒸完.....

好醜樣

仲好鬼難食xd

哈哈~

但係媽咪話"第一次算係咁啦~"

多謝媽咪幫我食哂咁難食既野啊!!!!!!!

母親節媽咪都要咁辛苦食哂我整d野xd

好可憐(雖然係我搞成佢咁xd)

我真不孝~~~