約左soso打羽毛球~

夜晚9點幾出去......

唔知佢係邊-.-"

打電話~

佢叫我點行點行.......

不過我都係唔識

於是要佢黎接我

原來我本身應該行另一條路-.-"

失策........

去到佢個場....

好大風.......

之後去臭河

去既途中聽到笑聲.......

好寒-.-"

其實係人地睇電視係度笑.........

搵到個唔係好大風既地方~

不過好近簷......

我話:嘩~~會唔會好易打左上去架?!

早知唔講呢句-.-"

打左幾下......

俾我打左上去....

拎唔返

之後變左散步+傾計..........

回程果時....

我見到地下有d野...

黑黑地......

細小既條狀.....好似半隻手指尾咁大........

仲好似有d水.......

最初以為係d狗仔d"臭臭"俾單車碌到咁...........

因為好多人帶狗散步.......

跟住我一路沿住地下望向前.........

見到另一條......

個樣一d都唔似"臭臭"

係好似水蛭咁既野

嚇死!!!

即刻大力捉緊soso隻手,狂拉佢講:好恐怖~好恐怖~走啦!走啦!走啦!

原來佢見唔到...

俾我拉走左....

 我仲要同soso行左勁耐-.-"

望下鞋底......

好彩冇踩到........

好核突

最憎d軟lailai既蟲!!!

好嘔心!!!!!

我全程捉住soso  XD

行行下.....

我又見到!!!!

今次我無端端大力握緊佢手臂,大叫:嘩~~~~又有!!!!!!!

佢俾我嚇一嚇XD

叫左出黎XD

到佢屋企樓下T^T

我要自己返屋企T^T

經過俊宏軒好多餐廳果條街.......

好多人食野.......

好熱鬧+有D阻街

佢地D枱放到出黎行人道.......

D人只可以行單車徑......

返到屋企~

雖然好似咩運動都冇做過

不過累死~~

呢一日完結LU

6點3左右~

諗住出去賣泡芙食

點知媽咪一見到我諗住出去就話:順便買兩包鹽啦~~

我諗住兩包鹽冇所謂啦~

好輕姐~

用手拎就得~

袋都唔洗帶~

因為我覺得帶袋好煩........

點知媽咪加句:買埋米啦~冇米喇~

我心諗.....唔係嘛~~......要買米.....

跟住阿爸話:去大昌啦~兩包5公斤便D~

心諗左右手一邊一包應該OK既~~(都係唔想拎野=買送車仔)

點知媽咪話:咁買4包啦~~

咁即係一定要推車仔啦T^T

我唔要啊~~~

哼~~~

等細佬返黎叫佢同我出先~

等左好耐T^T

終於返~~~

不過要威迫利誘先成功哄到佢出

臨出門仲要食野-.-"

不過算啦~

既然佢幫我推車~放佢一馬~

我地買左我最愛既泡芙先~~

途中經過藥材鋪

見到蘋果木TEMPO啊~~~

$26蚊

因為成日同危買.....

所以知價-.-"

便左$3左右啦~

屋企已經冇哂蘋果木TEMPO喇T^T(除左我偷偷地收埋左6包)

好想買.....

我企定定同細路講:便左喎~

點知我個"喎"字都未講......

佢一路推我走一路話:唔得啊!快D走!

因為我唔願走....

佢用手指推我-.-好痛T^T

之後屈服.....

但係買完既途中又經過......

我又停左...同細佬講:蘋果木喎~好香架~~

佢好無奈咁望住我:唔準買啊!走啦!

又用手指督我背脊推我走-.-"痛死-.-"

之後同佢一路行一路食

佢食到成咀都係xd

我又冇紙巾喎~

都話叫你俾我買蘋果木TEMPO架啦~

抵死

之後去頌富間百佳買早餐,鹽,去大昌買米~

去百佳見到d野食就好想買!!!!!!!

細佬永遠都要同我作對-.-"

當我想問佢:不如買多d早餐啦~

佢已經行走左-.-"

搞到我又要放返低t^t

點知佢咪又買雪米"池"~~

本身叫夾分.......

不過我唔買~~

佢買左兩包~

請左一粒我食xd

去大昌~

個員工好好人啊~~

見我拎四包米咁多~

佢幫我放落車^^

見太多野~

仲拎多個袋幫我裝住百住果d~

仲幫我縛好哂~

包保唔會跌^^

好人到爆!!!!

遇到呢d員工真係好啊~~

返屋企既時候

細佬要食雪米"池"

所以由我推一陣........

不過我唔識推.....

咁難轉彎既?!

細佬睇唔過眼xd

一要轉彎就幫我xd

卡住又幫我整xd

雖然佢態度好差-.-"

話句:哎呀.俾我喇.睇野啦~

有咩好懶勁?-.-"

跟住就大大力踢部車-.-"

雖然唔再卡死係度....

不過........部車俾你咁虐待法......

會唔會散架?!-.-"

之後佢睇唔過眼~

推到返屋企xd

gd~~~

雖然呢~

佢真係好鬼黑人憎.......

我同細佬之前係一日一小吵

兩日一大吵

又成日偷襲我

攻我不備-.-"

避唔切就俾佢打到

車~~

成日唔夠我打就玩偷襲

不過e+

變成兩日一小吵

三日一大吵

都叫改善左啦~可?~

不過冇佢幫我推車~

我一定勁遲先返到屋企

真係好感動xd

不過幾日後都係好討厭佢-.-"