今日傷心事接二連三.....
首先~
今日體育堂兩個圈跑左1分33秒~
原本諗住死爆爛爆都爆曬兩個圈佢~
點知爆完第一個圈後...
第二個圈在停車場果面就自動收左油.....
想爆都爆唔出....
跑完....
膝頭哥預左痛~氣都估到喘曬~
但估唔到我跑完腳板底痛到起唔到身咁際....
個頭又要赤赤下.....(到加陣打日記都重暈下暈下....)
見到D白色有反曬光~矇矇矓矓

LUNCH重衰~
我同肥仔因為麵包問題
搞左成個字~
佢就冇問題~都係雞尾包+蟹柳~
我就係芝士腸+雞尾
但我俾佢搞到冇得食芝士腸..............
佢可能以為我特登拎佢個蟹柳~(我初初拎錯左佢個~)
我去親麵包舖唔係雞尾蟹柳就係雞尾芝士腸
我唔記得我今次係蟹柳定腸~
拎左蟹柳都唔記得....
跟住佢又喂喂聲搞到老闆誤會~
轉左我個芝士腸轉做蟹柳
走左~.....
佢出到門口係咁鬧我~
大佬佢冇賺冇蝕 wor
但我俾佢搞到冇左個芝士腸轉左個蟹柳
俾佢鬧番轉頭~
冇天理呀~我都未鬧佢~
買茶字典俾左錢fat以為我未俾前係度找緊散銀~(其實我找$2毫子買香口交)
fat無端端彈左個兩蚊係收銀台~
重無端端叫我出多一蚊~
？？？？？咩事？？？？？
我支野俾左$$$架la wor~
跟住轉頭fat叫我買野飲時聽到佢話我差佢$2？？？
俾左一蚊我又落左去買佢支茶字典
番上黎終於俾我諗通~
唯一可能就係佢以為我之前支茶字典未俾錢~
佢又見我好似找緊散紙咁.....
就幫我出住先....
就此因為叫我俾多$1
又話差佢$2就係咁解....
即係我支茶字典成$6？？？shit~

跟住英文堂~
臨尾25分鐘又係睇mr bean~~
又笑到死~

AND THAN~
放學DIY陷機果邊又狂追問.....
問到唔知點答好~
唯有亂講....唉.....
跟住原本要等埋fat同于sir補測電腦我先走得~~
但好彩于sir冇帶券~
我今日又唔想踢波~就咁走左

跟住荃豐換番版
shit~佢arm arm走完鬼開番
要等佢兩粒字執完先換得tim~shit~

番到屋企上網....
睇到YAHOO拍賣要收錢(整係賣野)
11月1號開始.....
我11月要買果兩樣野係在YAHOO度MA
都唔知佢地重POST唔POST....
問問佢地先...~
唔去到就要問問佢遲到我11月6號以後D日子交收得唔得.....
SHIT.......YAHOO打破曬我全盤計劃....

趕住試唔講la~

今日心情勁正~
一朝早番到學校唔洗抄功課~
跟住班主任堂又同miss wong傾旅行d野~
傾咩咩褲咩咩鞋咩咩狗咩咩傳說咩咩收唔到電話....

褲又唔知唔俾著咩咩英文~
但冇所謂~反正唔關我事~

鞋又唔俾著咩咩咩中文~
但都冇所謂~反正都係唔關我事~

狗又唔知咩咩咩咬人~
但又係唔關我事~
唔死得對我黎講就冇問題~何況話係有鐵絲網~

跟住又咩咩傳說有蛇~
但簡單黎講都唔關我事~唔係傳說有巨型昆蟲已經好好彩~
真係有蛇既話~只要咬唔死我又冇絕後就得~haha
必要時我有隨身攜帶瑞士軍刀縮水型~(唔利既)

電話收唔到~
都係唔洗理佢~佢話其中少少路姐~
何況走失左都有雞吹~

以上就係我秋鎖匙既用途~~haha
跟住講到英文堂~
係度睇MR BEAN~
勁搞笑~MISS黃又話呢部戲其實好勁~....
跟住又中屎.....真係好鬼悶~
數學MC測驗唔合格....差一題呀!!!
跟住中文唔講~
去到LUNCH~食包~
肥鵬帶左部電子手賬番黎~
一路聽歌一路食LUNCH~
跟住兩堂電腦~
林SIR見到我張每月疑難讀左出黎解答~
重叫我"俊傑"同學.....真係GEY~
放學~行陣荃豐走人
琴日買左隻番版先好笑~
睇又睇唔到佢得唔得(駁左唔知去邊~)
但又好似唔得咁....
都唔知拎唔聆去換好~
所以現在決定穩陣D聽日換左佢~
做功課~
陷機果張野勁難諗~
亂作又唔係抄又唔係~
漏空左好多~
所以俾佢搞到九點先食飯~
跟住就打日記~

記得睇完回呀!!!

今日真係死得人~~
一朝早番到去趕住抄功課~
勁多人都未做math~
堆鬼曬過黎~想抄都抄唔到~
跟住math堂測驗~
尾果兩題唔識....
我記得arm arm星期一教過~
但唔記得.....
錯得唔抵呀~!!!
跟住中屎堂~
好彩第三組報告得咁耐~
如果唔係我果組就要出黎講......
跟住lunch~
又係去陸小鳳~
笨豬又想呃錢~
室左杯豆漿杯俾我~
又係搞左一輪~
扼唔到錢~抵死~
跟住放學先大檸樂~
我要等到3：45先走得~~
交收一下賺$30~....
fat&Roger就係放書時傾緊我等咩~
Roger就因為唔知笨豬係後面個口疏曬~
衝口而出~
笨豬知左真係死得人~
希望笨豬咪鬼煩就得~
跟住搭45分走人~
走落大窩口搭MTR~
過去黃大仙賺$30....
條友又好鬼麻煩~
話曬D功能俾佢聽都重問....
跟住番左黎荃灣~
荃豐兜左個圈買左隻番鹼...HAHA~
番黎~做番D例行野~
又冇功課~可以玩下電腦~


回覆呀!!!!!!!!!!!!!!!

今日真係好無聊~....
一朝早起身就要走去拜山
明明話拜山點知去左食早餐先~
搞錯呀~仙人都未食野我地就食？
我個時間表度咁早起身目的整係為左拜呀公~唔係食早餐呀!!!
所以落到綠楊美心快餐我冇食野∼(以上純粹借口~只係我冇心情食姐~)
跟住上玄圓學院包拜鬼~
條車龍煞到落石圍角呀痴線~
跟住就在山腳東寶陀果度落車~
當係行山咁行上去~
死蠢(我大姐~記住呢個形容詞)行到鬼死咁慢~正一死蠢~
行左10-20分鐘左右就上到去~
拜左三拜之後我媽媽又要買袋錢燒俾佢~重買左盒煙同成條金~
拎住支香走過去焚化爐果邊~
整係行過個焚化爐都感受到無比熱力~
所以我先鐘意火~~
又拜左三拜之後拋入去~
之後走人~
走果時呀媽話有第條路落番東寶陀.....
成家人死蠢到跟佢行...
行左去東寶陀後面~
有道門入去....呀媽想我地成家做僧人咩...
跟住佢又話繼續行~
點知行左入人地個墳場到....
終於都係要調轉頭行正路~
落番去搭車走人~
番到屋企~上左陣網又係做番d例行野~
跟住做功課~
做完功課就諗住開ps2打~
點知我老豆駁線冇駁我部機....
跟住原本諗住自己駁...
但好鬼驚我老豆鬧~(我好鬼憎我老豆)
冇駁到....
唯有找d野食....
十年唔食一次零食既我
俾我找到新年人地送既金沙....咪食lor~
食左一條~我呀媽d私奶又上黎~
搞到我手足無措~
打機又唔係功課又做完....就溫左陣文學~
溫左陣之後好想訓教~
一訓訓到八點幾....shit~
起左身....食我今日唯一一餐~
食完又要做project~
要做墨子呀~
求其上網copy and paste加d料算~
做完send俾組員~
之後打日記....

又一日la~邊個睇完唔回覆既人死!!!!!!!!!

我諗我俾唔俾題目你地都係照睇架la~
所以慳少少時間唔好諗題目~
快d睇下正文好過~

今日番學~
總係覺得好鬼悶~
好想訓教~
但又唔訓得....
唯有飲多d水做多d動作精神d~
跟住第二個小息~
我見我拎得一支水落去斟~
就課室大叫"邊個要斟水呀~？"
跟住成班蛋散真係膝曬俾我~(3個)
蛋散名單包括：鄺嘉儀：見以前同佢住過同一達地方....算吧~
                            程慧娟：念在識佢咁耐....都算吧~
                            馮羚：睇在同我隻狗咁熟...是但la
                            李廣發：生為佢細佬~幫佢斟點話...
                            余俊傑：呢個人我唔係好想同佢斟, 但見佢同我共用一個身體咁唔衛生, 都算吧~
但以上蛋散唔洗擔心
你連續叫我兩個星期每日斟水我就會好自動咁幫你斟~haha~
跟住Roger好好人咁跟我落去幫手~
實際黎講~
我一隻手三支水，兩隻首六支水，唔介意我加拿大臭o既話總共可以八支水~
機會唔係時時有~要斟快手~
講番日記應該講既野~
數學堂達達勁寸盧Sir~
唔知盧SIR睇尊嚴睇得好重...重要寸多幾句...
LUNCH~~
笨豬成功用離間計呃左陸小鳳$10~
原本諗住玩肥仔等佢俾貴D~
跟住肥仔唔中計推番俾笨豬~
就此收銀佬就唔記收番笨豬十蚊西米露~~HAHA
而我亦成功同笨豬隻秋秋到佢躂落地~HAHA
跟住佢好狗咁報仇~
拎左個打聾機下面D只紙碎倒曬落我張台到...
廁所又冇掃把就唯有求其找張紙掃~...
笨豬重狗到拎我本手冊掃...真係好想找傅俊傑幫手...(傅英文拼音FU...俊傑簡稱CK...)
跟住鐘於拎到張電話ICQ紙LA~番屋企慢漫ADD~
兩堂GEOG就放學~
但要留係學校做中屎~
做左咁耐~
笨豬咩都冇做整係係度上PLAYBOY咸網~
跟住就俾簫簫鬧~抵死~
跟住走人~
番到屋企趕住淋花~
但高興係我D野終於寄到LA~
係一套碟...(實際黎講...套碟真係三級...)
跟住試左一陣...
餵魚~見到舊假石到好似有D魚春物體~
後來我呀媽都話係魚春~HAHA
令我諗番起我全家第一次養金魚~
兩條金一條銀~銀我既~
果時有個水氣式小型水車放係魚缸~
我果條銀色又係生左係水車度~..
之後我呀媽好殘忍咁洗走曬...
到今次...
我情願佢生左出黎俾其他魚食曬都唔會再俾我老母洗走佢...
因為生了出來...總算是生存過~
即使只是短短的一秒鐘，也能代表那魚春真正地生存過...
唔通你話我洗走你女士子宮女面粒受精卵你唔介意WOR~
生命黎架大佬~
人既生命話俾你聽一文不值
但其他生物甚至只是細菌...生存價值都大過人類好多....

道理講完~係時候回覆下~