尋日去左睇女B季軍戰,我又去左幫手錄野 [ 錄得吾好吾好怪我 ]

佢地輸得好唔抵,win左第一局,第二局差小小就可以win埋,

跟住輸埋第3局,不過紫茵腳傷.可卡因病左.金金缺陣都可以打到咁真係好勁!!

雖然輸左不過都打得好精彩,女排繼續加油

睇完打波之後,我地成班成十幾個人連埋Him sir 善螢去左食野

超正!!十幾個人坐係人地鋪頭上層好似包場咁,係咁講學校d野同傾計,聽到Him sir呆哂

成班係到嘈到拆天咁,真係玩得好開心,真係好想次次都可以咁

之後成班一齊坐地鐵走人,見未夠鐘返工又坐埋一份,係深水埗坐去籃田再係籃田坐返去荃灣西

發現自己都幾無聊下,不過為左你地幾無聊我都無所謂

2點幾去到返工個到,最後一日開工,係咁送糖送公仔比人

做左一日好人,終於都夠鐘放工,雖然只係返左幾日工,不過話哂都叫第一次返工,真係有d吾捨得

個到d人好好,成日陪我地傾計,可惜無相機又無電話,無得影低個地方留念

玩左成日攰到死!!