練左成幾十堂青苗今日仲於到比賽

不過結果差到好失望

打左3局,險勝一局,俾人大抄2局

練左幾十堂既成果,原來就係咁樣

第一場

去到熱完身打第一場對官涌

對面全部都係高佬黎,最矮個個都只係矮我小小

心諗都凶多吉少

由開波俾人殺到完場

殺到我都好似痳木左咁

佢地一出手就死緊咁

試過接到一球,接到我覺得痛,之後仲要彈埋出界

最後俾大抄,直落2-0輸左

之後知道原來佢地成班吾係拔萃.英華就喇沙,係佢地到拎到十幾分都吾知應該開心定吾開心

第二場

第二場對柴灣

開頭壓住佢地黎打,領先拉開左幾分

之後吾知咩事比人追返,

搞到我好驚輸,成身都無哂力又吾敢波

差D忍吾住想同牙sir講"我頂吾順打吾到,可吾可換我出去"

2局都係好驚咁打,最後兩局都係俾人迫到Deuce先嬴

第三場

食完飯第三場對友愛

吾知係咪食完飯定攰既關係,成班都呆哂咁

我仲整親埋比人換左出場

最後輸左2-0,仲要比對面串

打完場比賽覺得自己好緲小,成日練波又玩玩下咁

出到去比賽咩都做吾好,好似出去獻醜咁

真係好失敗,個青苗正式完左

唯有寄望暑期練波可以改善到

同埋希望下星期二選拔入選啦

p,s  雖然輸得好徹底,不過都好多謝紫茵.牙肥.可卡欣.金金.馬騮黎捧場,希望冇悶親你地