琴晚無訓到.....吽到朝早我落7-11禁$$俾佢,
跟住返屋企再吽.......吽到中午我準備出去,諗住去染頭髮~
不過我既排頭係,通常有準備既事住住都係會不了了之....
今day好好彩....因為我係去到既~!雖然去到都好晏下喇~~
但唔緊要~因為今次唔趕呀~!!可以慢慢整唔使擔心無時間^^
而且,依我d頭髮既colour黎睇,唔使漂都可以上到色,
加上我上個幾禮拜先剪完頭髮黎,so慳返好多工夫囉,
頭尾加埋唔使2粒半鐘就落左樓喇~~~!!
     落左樓下,本來我地應該第一時間搭的士走,
但我拉左小上海過對面馬路睇魚
(之前已經話買魚,我懶,遲遲未買)
俾我見到有袋好似龜仔既物體...好奇心驅使下拎上手玩玩,
睇真先發覺個2隻疑似龜仔既4腳爬爬真正既身份係魚~!!!
----------------------------水魚!!               
(水魚BB,簡稱--BB)^V^我見佢地游下游下好可愛~~!!
抖氣時會手腳並用咁拍下拍下拍上去,淨係突個鼻仔上水面黎吸氣..
呼氣個陣D泡泡會係佢地個鼻孔仔度浮出黎....
哎呀~~!!!!超級可愛呀!!唔識講~^^
    我企定定咁望實D BB唔走...小上海見到問我係咪好鐘意,
叫我鐘意就買啦~~但我心諗..唔係啵~我係要買魚..唔係水魚~!
把心一橫,先睇魚仔先~一陣再諗下要唔要水魚BB=3=
可惜個陣已經好晏喇~~D賣魚既檔口已經閂得8899...
想睇都無得睇..最後既決定係買左1袋4條既橙色魚仔~
(因為買個檔口老細邊種魚無咁易養死,佢話呢種..)
買完魚我又行返去水魚B度再企定定..唉~~!!
我自己都心諗..我咁雷得D水魚B,我諗我多數會買..
走唔甩架喇~~~加上小上海又係我身邊係度講..
你鐘意就買啦~~駛乜諗姐...!!
總結就係,買左1袋4條魚魚&1袋2隻水魚BB~~
哈哈~~魚魚魚魚^^.......(下略1萬魚字)