今日晏晝,老母打黎問我係邊....叫我嗱嗱林執2件3返大陸~!
我再問佢,先知原來係琴晚,亞公出左事...可能已經死左,所以叫我返去~!
我好快咁換好3,執齊野..再打俾我老母,我老母叫我等埋我細佬妹一齊返...
等等下我又訓著左...等醒個時,佢地已經去緊..但我亞妹証件過左期,
所以要攪..我係返去既途中因為擔心去到搵唔到佢地,佢地搵唔到我..
所以係羅湖找換店買左張神州行一咭兩號,點知我唔識用..攪左成粒鐘,
我先打到個電話...搵到佢地,即刻起行,返到去..見到好齊人...
仲有幾架公安車TIM~我亞婆喊緊...佢講D野既內容,我識D唔識D...
都明既...亞婆岩岩先去完廣州...早我地2個字返到去...!!唉~!
媽咪亞姨全部人都喊.....亞公俾人殺死左...中左十幾刀~!
兇手事後仲要幫亞公蓋好,扮無事發生過......
可憐太婆第一個發現,白頭人送黑頭人...見自己兒子慘死,
真係好人無好報,好心無好報..........!!我亞公好錫我...
我見唔到亞公最後一面....我好衰女...

續....

未入屋係門口就已經聽到亞婆既悲泣聲...屋入面超多人,,
好似新年都無咁齊...有d人應該我未見過..
有d人係超耐無見個d...即係bb既時侯見過...
知我亞公呢個大孫,但無晒印象個種呢~~D三姑六婆圍住我亞婆,
三姑幫佢抺走D眼淚,六婆餵佢飲水.....但亞婆對任何人都係喊..
完全接受唔到現實!!不過又係既...
畢竟做左幾十年夫妻,前日仲好地地一齊食飯,
去左廣州覆個診住左晚姐,第二日就接到咁難以接受既消息喇...唉!!
11點幾去上香俾亞公,見唔到亞公個樣..有被蓋住....上完香...
我地就返左去喇......我地一家5口,除左我老母之外,全部入晒舅父仔間房,
無他既...我地都係貪間房有冷氣同有梳化坐(雖然大廳都有冷氣嘆...
但無位個下弊呢~加上d近+遠房親戚"們"都好似睇展覽咁望住我地...)

戒麟 於 2008-10-11 12:39 PM 發表：

慘慘慘....呀公死左之後,我先諗起...次次放假番大陸都係同俊傑俊龍玩....
成日去俊傑屋企訓....冇同呀公一起....
一年前答應呀公早上6點同佢跑步,幾次機會都冇去.....
慘...

[ 回覆 ] [ 封鎖 ] [ 刪除 ]