今日有得出糧，我返到去又係聽左一陣電台，之後啊sir話收錢，收完之後我同佢講話我去出去拎糧 

之前已經同佢講左，寫左家長信嫁啦。之後上IH，又係性教育，今次講避孕。之後又係物理，無聊，我根本唔想學。

小息去搵余靜敏，因為應承左佢食飯，之後上中文，我係到做附加數，之後上數學就係到做ws。

執野走，之後去左美食廣場，迫爆啊，又耐喎，餓死左，之後食到1:35左右我去搭車返屋企，

返到屋企換衫褲，我肚痛喎，之後2:00出門口，係輕鐵站個到聽電台話綠色力量問幼稚園學生同埋小學一年級學生

幾個問題；有冇坐過草地？冇。d米點黎啊？天父比、地鐵（因為廣告）、電飯煲。

d食水點黎？係廁所、百街。d垃圾會去左邊？垃圾筒。d污水會去左邊？海底奇兵個到。

之後去到兆康西鐵站都搭5啦，之後去到元朗西鐵站落，好彩77K經姐，如果唔係真係死比我細妹睇，

佢話77K由元朗（西）出發，即係西鐵站出發，傻嫁∼！之後15-18分鐘黎一班，等左幾耐，

之後黎到，問個司機邊到落最近，但係佢唔知新寧中心係邊，但係知道安樂村，所以叫我係粉嶺樓落最近，

之後搭車，又聽唔到電台，好衰嫁，唯有聽歌，死野啊真係好似啊媽咁講，架車去好多個站，

之後我3:35左右去到粉嶺樓，原來真係好近，近安樂村姐之後去到又要搵安居街，搵到安居街，

又要搵新寧中心，原來係最入。之後3:50拎糧，要身份證好彩我有，又要填form，之後返返出黎，

有個啊婆問我天平邨點去，我咪指比佢睇點行，佢問我要行幾遠，之後我話搭車要幾個站囉，

我建議你搭車囉，之後佢走左去問第二個，之後又走返過黎串我話，哥哥仔啊，人地話唔駛搭車啊，

行過去得啦。我一早講左點行啦，只不過係我唔知點講比佢聽要行幾遠姐，之後搞到我走左一班車，要等16-18分鐘

mp3又冇電喎死野∼！之後有車，無無聊聊先捱到去元朗個陣都已經5:15啦，銀行都落閘啦，

聽日先搞掂張票，之後等輕鐵個陣有個太太問我東海堂係邊，死啦∼！太耐冇黎過元朗，唔識答

之後搭車個陣，有個女學生無啦啦望住我，用眼神示意，好似有d野咁，但係我冇彩佢，原來佢都係住建生

之後返到屋企繼續聽電台，之後又同小學同學傾msn