今日原本約左話接老婆仔放學，我特登較左鬧鐘叫自己起身，我較9:鐘，點知我自己聽到都唔識醒

重將個電話擺左落枕頭低tim，之後到我發現個陣，都已經係1:幾啦，我真正起身個陣係2:幾，要放書比女丘啊麻

之後我打比文記，佢話叫我出黎先打比佢，之後我執晒d書，都好多下嫁中文、英文、電腦唔收啊麻

之後出得咪打比文哥囉，佢叫我上佢屋企，點知我搭到田景就落，鬼咩！咁大疊書，叫我跨欄，我不如死左佢好過啦

之後上到去佢屋企係咁等啊文哥，之後差唔多4:先出門口，之後約左女丘係輕鐵站到等，因為驚我d書比人搶左去喎

之後去到先話化學唔收，咪扔鬼左佢囉，之後收左我8本書，三本數學，因為我太鐘意數學啦，所以我留左本5B比自己

賣左4A、4B、5A，重有放左附加數兩本，上、下冊，我至憎啊。重放埋物理書tim，麻啦，對呢一科都冇嘜感情，放左三本

之後女丘幫我計多d，總共有$260，我都係預咁多炸，之後收錢，同文哥行左去置樂，飲完野，睇完野，咪去卓爾居搵derek

去緊途中，見到有人賣獎券"單親家庭"，見到文哥買左，我咪又係跟住買囉，$20張，之後去左卓爾居波仔

居然見到derek係到溝女喎，咁咪對唔住媽媽囉＾＾，之後朗朗係咁話要玩十五二十，佢又係咁輸比我

之後去左百街，買野飲，見到有兩個學生妹，冇買野就走，之後響警鐘喎門口，職員梗係要叫停佢啦

之後發現原來有個女仔身上有d野，之前買左，個條碼未"啫"，個職員好好人咁幫佢"啫"左，等下次唔會再響

之後我地成班走左去跟住睇，因為derek話係令女，要認識下，點知都係冇上到

之後咪行去接女丘收工，去到就話買酒，猜枚，之後derek約左啊媽食飯要走，我地買左四罐，真係少，不過我唔可以亂咁駛錢啊

之後猜完其實我都好想留低，不過我驚我留低我會再買酒啊，我都想同佢地傾計，不過我約左啊仲文去打機

而且佢請喎，之後去到打左一陣，老婆仔打黎，不過我唔知做咩向佢發脾氣啊，我真係好對佢唔住啊

我之後sd信訊比佢say sorry，之後佢打返比我，其實我知佢唔係好嬲我既姐，如果唔係佢都唔會肯打返比我啦＾＾

之後我咪係咁氹返佢囉，應該既，激嬲左老婆仔好應該氹返佢嫁，之後佢原諒左我囉，而且我地重有傾有講有笑＾＾

啊仲文就去左食麵，嘩！話咁快食完，之後行左去大興，我買野飲，今日係咁買野飲啊，覺得好頸渴，我下次都係買水飲算啦

每次出街都要啊，之後我返到屋企再打比老婆仔，傾左一陣，大概1:幾收線囉

ps：今日約左妹子同埋文哥、黃嘉浩聽日唱k，又係啊黃嘉浩話想去唱，點知又同我講聽日唔得，都唔知佢想點嫁

以我又約左老婆仔聽日，希望我會做到啦