今日我9:幾就起左身，因為應承左老婆仔要打比佢啊麻，講得出要做得到，之後起左身打比老婆，佢啊媽話佢重訓緊

咁咪打佢手提囉，之後傾左一陣就收線，我就同我啊媽傾計兼玩電腦，之後11:幾我啊媽落街買野食，之後我就同老婆傾電話

老婆話返黎個陣打比我，唯有等，之後係到食野睇電視，今日"足秤老婆八兩夫"做完啦，下個禮拜做"青出於藍"啊

真係覺得好好睇啊，因為個日唱k我特登點左李克勤個首開學禮，因為我好掛住可藝啊，好掛住d學生同老師啊，我真係唔捨得啊

之後我比我細妹玩左陣電腦，我自己就訓教，之後3:幾起左身，因為要去啊婆到食飯，之後去到啊婆已經夠麻雀腳

轉個頭到我同啊公啊婆啊媽打，唉∼！今日手氣唔好輸左三十幾蚊，之後咪食飯囉，好耐冇食過啊婆煮既餸啊，真係特別好味

啊妹唔黎食真係可惜啊，不過都有打包d拎返去比佢食既，之後食左好耐啊，因為又食又傾，重飲埋酒tim，我食左三碗飯啊

之後約左龜龜個d啊麻，之後咪會合佢地囉，不過真係羞家啊，得返廿幾蚊，之後同區子夾錢買禮物比蕭曉彤，之後搭車過三聖

之後賢仔都黎埋，之後買酒，豆豆都黎埋，之後咪係到鋤dee飲酒囉，之後佢地四個上返上黎，之後到左12:，生日快樂

之後佢地三個男又走左落去，之後我同佢地係到玩，文哥到埋，係到玩左好多野，之後區子上返上黎

玩左七級豬、鋤dee、殺手，最後我地玩埋潛烏龜tim，其間賢仔打比家駒叫佢黎，之後又話一人派一個出黎隻抽

又話因為前幾日豆豆同佢表弟行街，家駒x佢表弟喎，不過家駒話冇d咁既事，我都信家駒冇做過，之後凱玲話傾計

咪過左友愛囉同麥嘉、小mingming、文哥、區子，送完蕭曉彤之後，到左之後我地六個人係到傾計，之後同文哥講左話3:30走

之後點知傾得太開心啦，唔記得左，文哥話30歲後先會結婚，而且唔會要有bb喎，之後同區子傾佢同佢條女d野，又傾文哥d野

之後我地六個係到一齊傾，傾到4:幾左右麥嘉同凱玲返屋企，我地四個飛的，我咪送埋文哥返屋企先囉，我返屋企個陣

見到有一個公公一個婆婆，佢地拖住手一齊過馬路，一齊去做早操，真係開心啊，可以"執子之手，與子皆老"

不過呢，我上網搵呢一句喎，係唔吉利既說話黎嫁，要了解這句話，你必先了解此話之背景

出處：《詩經•邶風•擊鼓》

這是一個出征的丈夫臨別前與妻子所說的話

擊 鼓
　　擊鼓其鏜，踴躍用兵。土國城漕，我獨南行。

　　從孫子仲，平陳與宋。不我以歸，憂心有忡。

　　爰居爰處？爰喪其馬？於以求之？于林之下。

　　死生契闊，與子成說。執子之手，與子偕老。

　　於嗟闊兮，不我活兮。於嗟洵兮，不我信兮。


意思是：

「死生契闊」這次我將與你離別，而且是生死之別

「與子成說」我與你力下此言(誓言)

「執子之手，與子皆老。」我願拉著你的手，一起到老

但係呢句話成日比人誤用，成日見到情人間會以此傳情，但咁係唔應該嫁

因為出征的丈夫這樣說的深一層意思是：

「若我有幸回來，我願拉著你的手一起到老」

若你與情人這樣說，豈不是極之不吉利?

ps：今日好開心啊，有兩位表哥，姨媽，啊爸啊媽，公公婆婆，同埋我一齊食飯

重有老婆仔關心我啊，佢sd左個信訊比我啊，叫我唔好飲咁多酒同埋唔好咁夜訓，佢聽日去bbq，我應承左接佢，之後送佢返屋企