尋晚打完通頂，咁呢，今朝早８：幾差唔多９：個陣，屋企打黎，娘親問去唔去飲茶，我話好，之後話得佢兩個，叫我叫埋文記喎

因為佢係我隔離，尋晚打到唔記得左幾多點，累到係到等開始個陣訓著左，坐邊真係舒服啊，一訓就訓到天光，之後去攞位

我同文記食住野先，我買左報紙ｔｉｍ，之後啊爸都好耐先到，好少咁遲嫁，可能又係到扮令掛＾＾

之後娘親都黎埋，之後係到傾計食野點馬仔，之後食完都１１：幾啦，文記返屋企，我地都係返屋企，不過各自各歸家

之後返到屋企係到打機，之後比細妹玩，因為我驚我會訓著啊，係到播ｖｃｄ睇囉，一家大細一齊係到睇啊，之後睇完都好似２：幾既事

之後我咪唔記得左做左ｄ咩，好似係係到打機，之後一直打，打到唔記得左幾多點打比老婆仔，之後傾左一陣，好似３：幾

佢話我累，叫我休息，之後我咪訓左一陣囉，我好似係６：幾先訓啊，訓到８：幾囉，之後咪打比老婆仔，之後食飯

食完飯完打比老婆仔，之後老婆仔話傾到１０：３０喎，冇嘜所謂啊，橫樹聽日都見到老婆仔啦，之後我食左個ｄ唔知咩

夜間有睡意傷風感冒丸，人地話食兩粒，佢得返一粒鬼死咁大把，唉∼！算，好過冇，之後咪係到食左

睇到佢話睡前２０分鐘食，嘩∼！真係掂啊，下次訓唔著食佢先，之後好累，係到撐住睇電視，想等娘親返黎，唔知點解

可能因為娘親遲左返黎，之後我都係頂唔住，入房訓，之後案件重演，我今日訓個陣啊爸都係０岩０岩開門返黎，啊媽都係

ｐｓ：你話啊，如果今日老婆仔都係到一齊飲茶你話幾好啊，不過有排都唔會發生既事啦