好想減肥,最好減到一百磅,但唔知点解,都成兩個月啦,一磅都冇減到,都重係一百一七磅,好想揾個辨法去減,有時都會好唔開心,食又冇得好食,唉！好慘呀！

不知是否年紀大了,回到未嫁時,當我要愛一個人時,是那麽的死心眼,一條心的向着他,但現在見到的年青人們,不知怎的,A和B'B和C'C又同D'D又不知怎的又同A'B又為何同E????????嘩！好兒戲呀！今天我見到A同C–起,明天又可C同G一起,他們還有一夜情,三角戀,..............我一下子都攪唔清楚什麼才是愛情！...............我都係比較喜歡從一而終多啲,老公！我愛你！ 

今日有同事始婚,我去飲,我平時都冇着裙,但今日我代行妝,着條裙仔,加埋高跟鞋,個個同事見到我都話我靚,嗰陣時我個腦只諗住老公,好想比佢見吓我個靚樣,我打電話比佢,佢原來都係旺角同朋友睇戲,我即時叫佢等埋我,我想比佢睇我靚嗰樣,結果佢一句話我得,我真係開心到即時想同佢做愛,嗰時我知,我真係好在意我老公,老公,我好鬼愛你呀！ 

昨晚收工和同事去打麻雀,一開始頭三圈是輸的,六百多左右,但到第四圈我就開始嬴,一路打完八圈,我合共嬴咗一千五百元,所以話啫,一日未去到最後都唔知自己嬴定輸,這就是麻雀好玩嘅中一個原因. 

我最唔鍾意老公唔重視我,唔理我感受,好似佢去玩,我從來無話唔比,但要同我講聲吖,你唔講我点知你去咗邊?對於唔了解嘅嘢我會好無安全感,因為我從好細個果陣巳經比人話我婚姻唔好,會離婚,我真係唔想,我好愛我老公,我唔想無咗佢,但係越唔想佢走,佢就走得越快咁,我真係唔知點算ｏ

今個星期六我會和家人去東龍島玩,到時我哋會食海鮮,釣魚,影相,行山,水上活動等........,真係諗起都開心,希望到時冇雨啦,因為近來都不停落雨,都落成幾個星期啦！

 依家啲公司真係一啲人情味都冇,好似今日咁,一早天文台就掛上黑色暴雨警句,但公司仍然要同事返工,辛辛苦苦間水返工点知遲到重要扣OT,真係苦,不過只係我哋係咁！因為隔籬公司好好多,起碼佢哋可以等落咗暴雨警句至返,遲到唔使扣OT,新年有春茗,有獎抽,年初一返工重有成千蚊,唉...............我哋新年無春茗,無獎抽,每年只得一百蚊(COUPON),年初一返工只得一百蚊,收銀人工又低,收工時間又夜過人,如果唔係無錢,我真係唔會係呢間公司做呀！

同一個職位都有不同待遇,好似我咁,返工返到成日比人打,[皆因地方小,但有啲同事    

係唔會理你,行來行去都總會用手批都你,用腳踢到你]有的感覺都好淒涼,但隔籬鋪    

呢！做到好似女皇咁,自己坐咗係度其他人就晤可以行來行去,永遠佢都唔會有錯,    

錯都你啲sales 錯,点解佢哋可以咁巴閉,而我就咁折墮?只因唔同經理唔同處事,我    

間鋪嗰個好鍾意攪我哋㗎！ 

 昨天一起來便覺肚子裹的腸好痛,我記得這樣的痛巳经是近年來第三次了,真係好痛,於是我便致电回公司請痛假,   

在家休息咗大半日,差不多成三点才起身,煮咗個通心粉食,才去睇医生,但這個醫生非常流,我話肚痛就比止痛丸,   

我話想嘔就比止嘔丸,我話胃痛就比胃藥－－－－咁樣我洗鬼去睇佢呀！自己去藥房拾都得啦！