尋日同miki & 敏敏去石澳^^

係旺角食完野,就起行lu~~

首先搭地鐵去筲箕灣,然後再轉巴士...

我地三個原本諗住去大浪灣的說...

但係我地又唔知係邊個站落車...

於是去問司機,過程如下~~

C:司機呢架車去唔去到大浪灣架?

司:大浪灣...去到...筲箕灣有好多車都去到...

C:咁...姐係呢架車去唔去到?

司:去到...筲箕灣有好多車都去到...

C:咁...姐係呢架車去唔去到?

司:去到...係迴旋處個站落...之後要行過去喎...

C:迴旋處...姐係邊個站呀?

司:到果個站叫你落啦

C:好...唔該...

呢個司機講野真係一個字.............勁!!!!!!!!!!!!!!!!!!!!!

竟然比miki估中左...有好多個迴旋處,我地又唔知邊個站落...

最彌譜既就係佢根本無叫我地落車><

到左總站...果司機仲要講[頭先都叫你地迴旋處落架啦...宜家行過去好遠架...]-----態度勁差

佢未講完...比miki拉走左...其實我都唔想左聽佢講廢話<-----未見過有一個咁差勁既司機

好彩...呢度好似有沙灘...問人點去...最終我地都去到~~已經想去好耐架喇

買左好耐既三點左...終於大派用場喇^^

我地買左張蓆...拿拿淋換衫...選好位置後...

我已經急不及待...衝向大海...

仲自己一個做左一件好大膽既事...同美男子影相<-----對我黎講...小兒科啦

就係一個人游去浮台,感覺好有成功感^^

上到浮台果刻,鬆左一口氣[當然啦...要刻服好多心理漲外]

大字形訓係浮台中間~~當時浮台上,只得我一個人

望住慰藍色既天空,仲有小鳥係空中飛翔,感覺好寫意~~

上到岸,miki同敏敏都搵我同佢地出去玩

原本miki都想游去浮台,但游到一半...最終都放棄左

至於敏敏都想...始終無游出去既勇氣

雖然係咁,佢地都玩得好開心

同miki玩水戰~~同敏敏玩跳浪~~

走既時候,我地相約下次再去海灘^^