今日見工總算...成功吧^^

只要考埋個保安牌,驗埋身,ok既話...

咁我就可以正式係諾比樂園上班喇

本來今晚諗住同miki上敏敏屋企~~

點知敏敏話佢爸爸好大機會會返黎..

最終都無上去...有點失望<----因為好久無見miki了><

食完宵夜,打打下牌(網上)...電話響~~

估唔到低B成(N世紀既同事)會打比我...我地已經好耐無聯絡了...

佢仲約我出去食糖水添^^

咁耐無見...緊係應承啦<-----又無野做喎

去到OK,佢個FD(之前已經係旺角撞過一次)..又係到喎

佢地以前成日都去Rainrow搵我(前Rainrow服務員)

跟佢地行過馬路,正朝向fin機既欄杆旁,還以為佢地踩街車,點知...

佢地係渣私家車,車上仲有個男仔添

上車果時低B成諗住去芒果大王(大埔), 結果去左西貢<-----完全無諗過

已經好耐無試過遊車河了,感覺好舒服^~^

再加埋fin機既歌聲心情越來越興奮~~

轉眼間就到了"滿記甜品"果然依然都係咁多人= =

諗左好耐...終於諗到食咩喇,登~登~登~等~

就係白雪黑珍珠~~都幾好味既

阿文請我地食糖水...多謝哂

回程喇...以為會雲車浪<-----細細個坐爸爸架車,成日嘔

點知...出付意料之外地無事~~

仲對住個窗,張大個口大叫,口水橫飛...

呢個時候,剛剛有一輛貨車經過,司機看到了

唔知佢有無嚇親呢??<-----哈哈...無咁易既^^

估唔到阿文手車咁得~~得x100

好快返到富亨了...唔想咁快到呀,太正喇!!!!!!!!!!!!!!!!!!!!!!

我同低B成落車,佢地返富善~~

同低B成講好左...下次要約長毛(前同事)出黎同我玩<-----佢地仲有聯絡

吹左陣水,各自歸家了...

p.s    今日實在太興奮,太surpise,太刺激了<-----恐怕開心到訓唔著

尋晚睇加旋...好好睇呀~~會繼續追看^^

之後,睇埋漫畫先訓....

點知今朝十二點幾就被人炒醒左

唯有硬著頭皮去梳洗<-----算啦,我地都好久沒見

換好衫,食完野,出發!!

上到去,休息了一會...

發現我既狗仔個頭掉了...

佢居然整爛左

哼...仲有d公仔同我講佢成日虐待佢地..

嗚....佢地好可憐呀

放心...總有一天會帶你地走的~~

好開心呀!!!!

睇電視既時候,有西瓜食~~sweet

之後,又有鮑魚響x片栗米粉角豬骨湯飲~~好好味

洗完碗...又係離別之時...決定"十年後先再見"

臨走時...仲要蝦我><

p.s       雖然一膂既時間唔多,但係愉快得很

p.s 2    要比心機溫書呀<-----唔合格就來生先再見吧!!!!!!!!!!!!!!!!!!!!!

雖然今日無得去釣墨魚,但係都好開心

十二點幾...哥哥叫醒我~~

然後立刻梳洗,換衫----->準備去打牌

落到樓下....哥哥先發現無帶火機...

哈哈....我仲衰連煙都無羅><

問途人借火....點知比左個火機哥哥^^

到左吉之島,約林雪君係A1到等...

入到A1,哥哥仔細留意他們d蛋糕同埋麵包係點整(佢係麵包學徒)

看來...哥哥對他的行業有濃厚既興趣<-----[我都係宜家先知]

唉....我呢個做妹既真失敗= =

佢到了,第一眼比我既感覺就係...高左~~顯得我更矮了...唔制

之後,去左豆漿大王到食野....比以前難食好多...

吹左一陣水...買埋野飲,便上去了

已經很久....無返個呢個 "屋企"

以前細細個係係呢度長大...有好多好多回憶....

睇返幾年前同中學同學...仲有表妹影既貼紙相...發覺自己轉變左...仲有靚左

但係...搵唔到畢業証書呀....屎啦...星期一"inter浮"要用架...點算><

等到梁文同呀青上埋黎,開台lu~~

估唔到梁文仲熟過我d麻雀擺係邊...看來我真係好耐無上過黎喇

打左六圈...呀青要走...計數~~win左48蚊

之後去左借漫畫睇...仲買左件衫...都估到會被某人話

然後回家了....

大家想想.....一隻十分愛睡既豬....點會訓唔著= =

去廁所既時候,看到鏡中既自己.....不禁想大叫一聲.......嘩

......好似就黎死得咁

1.  面無血色,面色蒼白

2.  雙眼無神,眼袋加深

3.  咀唇缺水,雙唇爆擦

唉......點算呀!!!!!!!!!!!

夫mask都補唔番

今朝訓到晚上七點先起床,名副其實的一隻

聽住歌訓,聽到無電...

直至化骨打黎家中,我先醒~~

聽番留言,好久不見既小學同學終於打番比我喇...真係等到我頸都長= =

約好左時間..地點---->趕緊梳洗,換衫

到左地點,一見到佢,真係女大十八變...

差點唔認得佢~~

以前既佢係黑色既直髮,衣著麻麻....

宜家既佢係金色既曲髮,衣著成熟左

第一站係漫畫店~~

我之前見過果套漫畫,本來已經想借,但係我又心大心細借左第二套...

所以我想借番黎睇

去第一間...看了一會,都不見,終是問店員,果然借左出去了...

再去第二間...個店員都唔知係咪既...講到似有非有甘><

再去埋第三間...終於有了...Yeah!!!!!!!!!

第二站係零食物語~~

一進去...立即去到薯片類...諗住睇下有無辣味薯圈...果然是沒有的

本來有點失望的說...但是四州紫菜薯片(大包裝)竟然只售十蚊...

係百佳要十二蚊架...唔係唔買呀?!

之後仲買左兩包腸仔...

最後一站係餐廳~~

去左我成家人都中意食煎肉餅既一間餐廳...

但係我地食既係沙爹金姑肥牛煲~~味道麻麻...

果然都係煎肉餅最正

然後傾左一陣,便回家了...

p.s  好想搵埋君君出黎...好久無見了...

       但係都聯絡唔到佢...手提電話cut左....打去屋企搵唔到佢...