今日一起身就同屋企人去左飲茶....

之後飲完都11點幾啦

之後果個梅姨就同我地一齊飲茶啦 

佢仲拎左一定關於補習班既野黎..

之後我地就去報名之類(其實我唔想補)

之後就去左教會(補習班係教會搞GE)到補名啦!!!

之後入到去傾左一陣 之後果個XX嵐弟兄就同我地一齊過去聽耶穌

入到去都冇咩野既...不過坐左一陣就開始有野啦(你知啦 我信佛教既 點會去聽呀 最多咪應酬下囉)

之後佢地講左好多野 之後佢地成班教徒就係到話咩*誠心X告*?果陣嚇親我 佢地仲要超齊==

之後佢地就開大食會啦...佢地問我地一唔一齊 不過因為飲左茶就冇一齊開囉

之後成班弟兄 姐妹 一陣黎同我地傾計 仲話星期六去馬安山踩單車 之後我地就話唔啦..

佢地就話好多人去 叫我地去玩下都好既 之後我話 有FD去先去....(唔知有冇人同我去呢?)

之後傾左好內就走左 我就覺得佢地好和藹可親囉...真係要俾個*勁*字佢!

出返黎果陣都成1點幾啦 之後差唔多成家人去左百佳買野(入左好多野飲 仲有好多野...)

之後返到屋企 阿媽就煮綠豆糖水食啦....

之後煲好左啦 又有人叫阿媽去飲茶 我就跟埋佢去啦

去左兩次 真係超正 食左勁多野...

飲完之後就返屋企換衫去打波

果陣都已經4點30 之後打俾馬林(打波識GE)一齊去打 我打俾佢果陣 佢都到左..

之後我就去買一支1.5公升既水去啦...

去到果陣 個場勁多人...之後就跟隊啦 不過都係輸(因我廢)

之後打左好內 見到D人都走得7788

我地見到有人 之後就同佢地玩2on2

佢地成班都係新青聯既人黎 佢地92年出世

不過我都係唔夠打 笫1盤就輸10比4(我諗我輸體能同速度)....

之後再打 笫2盤我地就羸10比4 一係羸一局

之後佢地就走左囉......

之後係果陣我就係都玩啦

之後有個阿叔行左過黎(未2on2之前同佢打過波)

阿叔-佢件衫到有Hong Kong就知佢來頭唔少

原來佢教新青聯ge....

之後同佢傾左一陣 佢屌我 話我隻左手係唔係廢ge...

之後我話唔識啦....

之後過左都幾內下 佢又過黎 我叫我聽日去同佢地一齊練習

之後我話早上d夜晚啦 之後佢話夜晚

之後我話去做咩 之後佢話梗係去練波啦 唔通去做鴨咩..(幾撚串呀==)

之後我再打左一陣 我就同馬林走左囉

馬林佢話有d暈 之後我同左佢返去先

之後我就自己返黎 返到黎都9點啦==

之後就開機 再沖涼 今日就係咁囉

^^