要拎起背囊 帶住單反 嚟一次話走就走嘅旅行

趁住仲未大個未到要為口奔馳嘅時候 一定要努力儲錢買手提電腦 搵段時間坐係Coffe shop打屬於自己嘅故事 間Coffe shop最好就係有大塊落地玻璃 對面係普通嘅行人路 中間係來回行車路 唔需要太繁華 只係要舒服嘅感覺

要去韓國留學兩年 或者唔係專登去學啲咩 只係想去呢個國家生活 想去體驗多一啲 學多一啲 了解多一啲 真係好想好想好想自己識講韓文

要去一次台灣 睇下天航眼中嘅台灣 睇下台灣同香港嘅差別

要努力賺錢 買晒成個ikea示範單位嘅傢俱 變做我屋企

要住獨立屋 一定要有樓梯 如果可以我想整滑梯每日sir落一樓睇住日出食早餐

副業係開coffee shop 係一間可以比顧客表達心情嘅coffee shop 可能傷心會食黑朱古力慕絲蛋糕飲黑咖啡 開心會食士多啤梨芝士蛋糕飲牛奶咖啡 有一塊留言塊 比人寫低無法講出口嘅事

衣櫃要好大但係要有一個特定嘅pattern 我心目中嘅pattern 有人話佢會成日諗結婚時候嘅場面 但我比較會諗第日間屋會係點haha

要只結一次婚 姐係同第一次同我結婚嘅人永遠幸福落去 我諗見到呢個人個陣會有一種就係佢啦咁嘅感覺 但而家仲未試過 除咗以前天真個陣諗過同佢會直到大個結婚

要生兩個bb 哥哥同妹妹 

有bb個陣要日日都彈琴比佢聽 又要同佢一齊睇圖書 日日同佢講嘢 咁話唔定到佢出世個陣會聰明啲 聽聞有人真係咁樣結果個bb一出世就識嗌爸爸媽媽 但總之我想我嘅bb中意音樂

要學彈琴學結他學打鼓 以前好想可以自彈自唱 但而家已經無咁諗

書櫃要同衣櫃一樣大 因為我係(要做?)一個有內涵嘅女仔haha

要玩晒所有極限運動 skydiving bumpgee jump scuba diving 

要揸一次直昇機

要學識游水

要努力實踐我想做嘅事

諗到再加落嚟 haha