今日都冇野打喎．．．．

真係冇．．．

冇到爆呢∼信我啦∼真係冇野打．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

點解唔信我？？？

今日，冇野講，唔知點解係數學堂「並」左，只係數學咋喎．．．

唉．．．．．今日好悶呀，我覺得呢個位愈來愈悶．．．唔係話唔好，但係冇乜好傾既人．．＝○＝”

派左默書．．＝＝”　低分．．．但係我琴日溫左成１個半鐘喎．．．咁都得．．．盲左．．．

俾人改花名．．＝口＝”　Ｄｅｎｎｉｓ　ｃ．．＝○＝”　無奈囉∼

數學堂（最尾o個堂）同銘銘扔擦膠碎，勁好玩喎∼　冇乜野打囉．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

佢唔咩ｌｕ．．．．一天光晒＝＝”．．．．．

今日，都唔係好多野寫∼　仲係啞左（好難講野）

今朝上家政喎，係到煲羅宋湯．．．傻仔係到煲，又要洗野，又要載番返屋企∼

我煲到算係咁啦．．．又難飲，又唔好飲∼唉．．．煲湯，唔岩我．．．

Ｂｉｌｌ好鬼好笑，係到話ｄ湯好淡，又話唔好飲∼老師話：你肯定平時食野好咸啦∼我罰你，好我飲晒ｄ湯去，佢真係走去飲∼　之後，老師又叫我飲，我唔想飲，叫晒ＢＢ新，黃卓然同魯麗飲∼哈哈哈∼飲完之後，我把聲就開番啦∼多得o個煲湯．．．．．＝○＝”

之後上中文堂時，我唔小心留左成個筆袋係家政室．．所以無辜咁俾ｍｉｓｓ　ｍｏｋ記左我冇帶紅筆＝○＝”！！！！！好無奈囉我．．．

之後上生命教育，我真係覺得呢一堂啟法左我諗好多好多好多野．．．也令我知多好多野囉．．．當然唔可以係到講啦，秘密．．嘻嘻．．．．．＝○＝”

下晝上數學堂，我唔小心訓左交＝＝”好彩Ｂｉｌｌ叫醒我，我訓左３ｍｉｎ！！！＝○＝”

呀ｓｉｒ叫我地拎ｃｌａｓｓｗｏｒｋ，我又冇帶．．．好彩吳浩銘借左本俾我^^∼我係依度真係好ｔｈｘ佢呀！！！！！！！！　佢教左我一命∼

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

冇野講．．．

今日，冇乜野打．．．．．．．．．．．．．．．

我只係病病地，又啞左晒（講唔到野），留鼻水，打哈痴．．．

早上８點就醒左，之後落左街，返到屋企．．又訓著左∼＝○＝”

係屋企做功課∼∼∼∼∼　之後就冇乜野做∼∼∼∼∼

聽日凍唔凍？？？　又同呀媽嘈起黎∼　又要自己煮飯啦．．．無奈∼病左仲要去幫呀ｂｕ　ｂｕ整野．．．

冇計啦，佢咁細個，都唔識整．．．　之後又返番屋企∼又係到無聊．．．

唔記得買家政ｄ野喎．．．好彩堂姐（差唔多親生咁）幫我買左^^　∼

希望聽日多ｄ野打啦．．．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

冇野講．．．無奈

今日又係陸運會．．．．．．

一去到，又係好凍∼同琴日一樣，又係同ｄ同學靜電＝○＝”．．．無奈．．．

今日推鉛球．．．心諗都唔洗入決賽．．．點知喎，我入左決賽喎∼∼∼^^　之後，我差０．５厘米就第３嫁啦．．．唉．．．．無奈，亦好唔ｇｕｒ！　差０．５厘米！！！！！！！不過都算啦．．志在參與．．．

今日都狂同人打氣．．．叫都把聲沙晒，依家差唔多講唔到野＝○＝”，又無奈．．．

我地Ｊｏｈｎ　Ｈｏｕｓｅ入左啦啦隊決賽喎（同Ｌｕｋｅ）∼！冇諗過∼！

我地成班跳啦啦舞時，覺得勁凍，凍到結冰，動唔到，仲俾我發現左一個勁大既魔術∼！ｄ老師仲話我好勁油添！

我地都輸左俾佢地．．．但係我地全場總冠軍∼！好威水^^∼∼∼

我地差唔多個個獎都有（得一個冇咋＝＝”，慘．．）．．．　

到最後頒獎時，當有我地Ｊｏｈｎ　Ｈｏｕｓｅ人第一名時，就叫口號！！！

全場都聽到我地叫，覺得好威．．．

但係，第二次叫時，我地最尾冇叫「Ｙｅｓ」，得我一個係到叫！！！

勁多其他ｈｏｕｓｅ同自己ｈｏｕｓｅ望住我．．．又無奈＝○＝”個個係到笑，好開心∼！

仲有一次叫，我地叫Ｊｏｈｎ　Ｈｏｕｓｅ，我叫到個Ｈｏｕｓｅ好鬼長．．．ｄ人又望住我＝○＝”

兩日陸運會都幾開心喎∼我依家仲同ｄ社職，Ｆ５，Ｆ４勁熟呀！^^∼（我人緣好，冇計＝＝）

今日都唔覺得悶．．．因為狂同o個ｄ　Ｆ.４，Ｆ.５，社職傾計，勁開心∼！

依家真係「啞晒」！！！！！　冇得講野，仲唔啞咩？

返到屋企．．．又俾呀媽罵，又無啦啦話我考試唔好＝○＝”

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

ｏ個件事，冇野講囉我．．．唉．．．