不經不覺,開學一個月;
覺得自己同中四果陣真系變左;
至少宜家真系識得分配時間去做功課,
無論夜晚要做到1點2點,死都死到份功課出泥;
功課做到好夜既代表作-通識剪報???
見到自己本大單行簿寫滿唒幾頁紙,果種滿足感真系high到呢......
不過,再大既滿足感滿足完之後都有一個後遺症-唔夠訓同埋唔夠訓;
過左咁耐,終於總算適應到12點訓教,6點起身既番學模式,
反而訓得多,番到學校仲易釣魚;訓得少,最多都系成個人不在狀態上...
有次自己犯賤,明明1點幾可以上床訓教,點知同小靜傾計傾到2點半,自己仲要睇多半個中小說...
結果搞到第二日番學完全系放空狀;上堂冇訓教,宜家個腦諗唔到野~~
故事教訓自己;唔該唔好咁犯賤,有得訓就好訓啦;!!!
------------------
咩科邊個教,真系看開了;唔多在意喱回事...
不過...唯一在意既,我親愛既數學竟然系郭鳳萍(心諗;......-0-||)
我既數學科響中四既時候開始起飛,估唔到中五就要降落,仲要唔系安全降落果隻;
算;要對成年,對佢太多負面情緒只會激親自己,所以我忍-v-
宜家既maths堂,自己做書上面d數,得閒先望下佢講下咩;不過似乎都系改變唔到事實...
好開心咁;肥左第二份maths既quiz;雖然差幾分合格,不過我預感之後既分數應該都系直線插水,多謝合作...
------------------
講番今日;中五既第一次統測時間表出爐~
時間分得好極端姐;有一日考一份卷,又有一日三份卷;
最尾果日仲要系文學+中文綜合,姐系預左我手斷啦~?!
難得既day7;無數學堂,輕鬆得多~不過亦都響今日發現,宜家既低from學生真系串到呢~~~
最喱排一直咁落雨,天氣真系好麻麻...結果,我可愛既p.e堂竟然要上體能...
真系嘟嘟嘟嘟(消音處理;)
英文要做sba,miss hou體諒我地lunch有個mini-show,所以今日免我們一死;
下星期繼續受死;望住班同學做sba既GI真系嚇得死人咁...月望月淆底囉~
RE堂,第一次覺得邵sir真系好單純,咁都信我地班講野;我地班話未睇完套片,佢就真系又播一次...
仲要cut片講解既地方都同上堂講既一模一樣,果然厲害囉;;結果就系...
訓教既訓教,傾計既大傾特傾,玩野既玩盡;我同阿晞系最後果類~
lunch有mini-show,個人覺得都不錯既;
之後先系重頭戲呢;;話說,lunch之後果兩堂要去上增補英文,要去某班低from既課室上堂;
kame同suki首先入去擺野,誰知果班既某一身形略胖,戴住眼鏡,坐響某人台上既男同學語氣不爽,口氣不屑的說:
“你地可唔可以唔好咁早入泥啊?!我地都未得(類似啦;差唔多咁既意思就是了)”
kame同suki無視佢地,事後我先知,佢地無視純粹廢事煩,廢事某男同學去自家家長投訴,多樣野煩~~
宜家諗番起,堅系笑了;!我系低from果陣真系佢地咁有霸氣囉;
如果冇收錯風,果名“可愛”既男同學曾經都語氣不善咁對我果from既人咖啦;;
當我入去果間課室果陣,kame第一時間“我地無地位啦;!!”
聽完樓上既事情發展,其實,真系有樣野想講...
我地最早入泥果陣,都大概仲有七/八分鐘就打鐘上堂,咁都要話???
我知道你地最遲亦都最常系響打鍾前兩分鐘先趕頭趕命咁仆去你地要上既課室;
但,我地唔同你地,唔系咩??我地唔早d入泥,陣間遲入課室又點計???
就算我地真系入泥入得“太早”,我想問待人態度系唔系一定要咁差呢?
我諗你對領袖生,對訓導組老師,對班主任都唔會系“果個樣”囉;
如果你對普通高from學生同對訓導組老師系唔同樣,咁你算唔算系個欺善怕惡既人呢?
你之前小學學番泥既“尊重”又仲響唔響到呢???
基本對人既尊重都冇,憑乜野要求我地做野呢?真系唔知你會唔會覺得自己過份左呢?
最後大家一致既判斷;該名同學應該患有喱個“王子病”;;不過就算系咁又點呢?
“王子病”大唒??唔好玩啦~你自己慢慢“病”啦,其他人廢事彩你...
------------------
太多無打bl0g,打下打下就打左咁多野出泥啦;
証明我吹水月泥月叻???嘻嘻~~
|
