今日我隻腳好攰呀∼∼因為我今日行左好耐呀∼

點解會行左咁耐，就係因為要陪姑姐去買野囉∼

首先第一站我地係去左葵興先既∼個陣橫風橫雨∼

仲係掛梗紅雨添呀∼唉∼所以去到葵興我地兩個都變成左落湯雞啦∼

由頭濕到落腳呀∼有遮等於無遮咁∼唉∼∼∼∼∼∼∼∼∼∼∼

幾經辛苦我地終於到左葵興啦∼點知∼個間野搬左去葵芳啦∼我地好無奈啦

但係太攰啦∼所以我地決定做一樣好ｋｉｄ既野∼可以講前無古人，後無來者呀∼

就係由葵興搭地鐵去葵芳啦∼哈哈∼好ｋｉｄ呀∼我自己都覺得∼３蚊雞呀∼∼

跟住好快就到葵芳啦∼跟住將成個葵涌廣場翻轉，都搵唔到啵∼咁唯有去∼∼

順成買囉∼用左４８蚊買左一條∼順成個果負責人真係我唔明佢講乜呀∼

因為佢講野唔正呀∼又細聲啵∼買完之後，我地就去左食下午茶啦∼∼

食到４點幾就走左啦∼跟住再去葵廣買野啵∼

我買左個軍曹既野∼姑姐就買左兩隻ｐｓ２既碟黎玩，我地行到５點就走啦∼

返到黎，我成身散哂啦，腳仔無力，好慘呀∼我以後都唔陪佢啦∼∼∼∼∼∼