我過了驚天動地,深受得著,成身散哂的四日三夜

 入camp前已經好期待, 點知完左之後發現大大超出預期所想 

 第一日 

 揹住好重既背囊 拎住十幾個杯面 去五育 

 途中得到好多人既目光haha 

 係大圍玩task game 

 好癲好正 雖然唔高分 但我地都玩哂! 

 6點幾返到五育 400幾人一齊敬拜上帝 

 感謝主! 真係好開心好感動! 

 我第一次唱詩歌喊得咁勁 

 純粹係感恩既眼淚 

 主耶穌 感謝你 

 食埋飯 終於返中大安頓 

 沖埋涼 我,ying,eunice,包四個女仔一齊靈修 好難忘 

 分享既時候大家都喊哂 講左出黎好舒服 

 人既能力真係有限

 當我地咩都做唔到既時候 原來唯一幫到我地既係佢 我地唯一可以做到野係向佢禱告 

 感謝主! 

 大家都差唔多訓左啦 

 我去左搵麗敏羅霖amy小誼haha 

 傾計好開心 眼訓傾到唔眼訓

 好難得有咁既機會 比我地幾個成4 點仲傾到唔捨得走 

 笑到我癲 大家既白痴野講極都講唔完 

 love u all ! 

 第二日 

 我已經失左聲T_T 

 一早去晨禱會 好熱好多蚊 

 但都感謝主比我地有一齊敬拜同禱告既時間 

 食飯既眾志堂真係有好多雀仔:'( 

 感謝主我食左咁多次飯仲完整無缺haha 

 之後小gary組一齊靈修仲有肥勤獸獸同我地一齊查經 

 haha多謝墨子 你既演出我而家諗起仲笑緊 

 中大內玩task game 小gary組真係好齊心^^ 

 不斷不斷行山 係咁出汗 不過好正! 

 食完晚飯睇果套戲既時間我進入左半睡眠狀態對唔住 

 夜晚開組食宵夜 

 開完組又上左去玩:$ 

 傾左好多心事 

 大家都願意用睡眠既時間換取難得既機會 5點 終於訓 

 感謝主! 又過左十分快樂的一日 

 第三日 

 怒火街頭gogogo! 

 真係做左好多我從來都冇諗過會做既事 

 紅磡火車站外 見人就行埋去 同佢講耶穌愛你 

 真係需要好厚既面皮 但我地全部人都做得到! 原來咁樣已經傳到福音比人 

 係尖沙咀街頭大聲又唱歌又大嗌

 都只係想叫人過馬路唔好衝紅燈 

 我地十幾個吸引左好多好多人既目光! 好開心 

 旺角行人專用區跳舞 又係一件從來都諗過會做既事 

 咁多人一齊跳舞一齊大嗌耶穌愛你 

 如果我以前見到街上有一班咁既人 我真係會覺得佢地好痴線 

 但我呢日竟然有機會做一個痴線既人 好多人睇我地影我地 仲有人跟住我地跳! 感謝主! 

 係旺角行人天橋 又係見人就行埋去 幫人撥涼 同佢講耶穌愛你 

 雖然好多時候會有人拒絕 但我地勝在面皮厚 我地唔怕! 

 當有人多謝我地 願意同我地傾計既時候 真係好開心 好希望可以感動到更多既人! 

 之後400幾人一齊係行人天橋跳舞 好多人望住我地 我地想要既就係呢種震撼! 

 感謝主! 

 晚會 我地大家一齊唱詩歌 聽分享 

 有好多得著! 唱詩歌既時候我感恩既眼淚又落下:') 

 真係諗住幾滴眼淚冇人見到 點知大家見到哂

 好多謝你地 極速過黎安慰我 

 我真係冇野 只係感動既眼淚忍唔住:')  

 夜晚通頂開組! 

 談夢想 

 在這之前 我會認自己係一條鹹魚 因為我係個冇夢想既人 

 讀書 唔好問我想將來想做乜 我真係冇夢想 

 所以揀科對我黎講係一件好難既事 我足足諗左一年 最後先決定要讀phychembio 揀既原因係因為順口 

 仲係冇一個明確既夢想 

 但係今日我知道啦! 

 我既夢想係要用一個基督徒既身份 不斷影響身邊既人 令佢地都得到福音 得到快樂 

 影響家人! 影響朋友! 我希望你地都可以信主 因為我真係好愛你地 好想你地都可以得到衪的祝福! 

 我呢個可能係一個小小既夢想 但我好希望我可以做得到 

 我已經準備好要攪動人心! LKM我地黎啦! 要復興LKM! 我既熱血唔要停落黎! 

 願所有人都有夢想 並一步一步邁向夢想! 組員們! 加油! 

 我sowingman唔要再做一條鹹魚! 

 第四日 

 大家都極唔夠訓haha 

 混混沌沌:$ 

 多謝曹婕同雷老師陪我地玩左咁多日 

 唔知道幾時可以有機會再同你地咁玩 

 願清遠堂復興! 

 我返到屋企 電腦枱上拎住mouse訓著左 

 終於可以訓到十幾個鐘 感謝主! 

 今次係我第一個教會camp 

 流左好多次眼淚 但每一次都係感恩的淚! 

 我返小組唔係好耐 多謝你地令我感到小組真係一家人! 

 非常盡興的四日三夜 感謝主! 

 輸唔緊要 最緊要贏 god is love 

 我地贏哂 贏到好多好多既得著同感受 

 大家努力 要衝出教會 攪動更多人的心 

  影 響 力!!!