唉...呢幾日心情都真係唔係咁好

 因為我覺得我地F.3男女分化得好嚴重

 如果我講既野你唔岩聽

 對唔住

 我只係講出我心中果句

 希望你地唔好嬲

 過左一個暑假

 我覺得班男仔真係變左好多

 以前F.2佢地只係好中意玩既一班人

 我相信佢地絕對唔係曳

 只係貪玩

 但係今個暑假番黎

 我覺得佢地變左好多

 而家我覺得佢地好多都真係曳左

 仲有部份更係口沒遮攔

 如果你地睇到呢篇野

 請唔好見怪

 我只係以旁觀者既身份黎講

 但我一直深信

 有部分仲係乖乖仔

 希望你地都可以變番好

 唔洗話好好

 只要變番好似上年咁就得

 至少你地上年

 冇郁d就開口鬧人

 人地明明冇犯你

 我就係唔明點解你地要開口得罪人

 搞到全部人都好驚你地好憎你地

 而家先岩岩開左學兩日

 只係2日

 以後F.3仲有成年要過

 我真係唔想成年男仔女仔都面左左

 如果我講D野你唔岩聽

 對唔住

 我只係講出我心中果句

 我只係希望我黎緊既F.3可以好好咁過

 今日開學,唉...好唔開心

 今日同琴日真係好大對比

 琴日我玩到好癲好開心

 今日....係開學日

 本身仲諗住今日會過得開開心心

 話哂都係F.3既第一日

 仲諗住新一年新開始:'( 

 今日番學果陣其實幾開心架

 過馬路果陣仲見到小兒同lotte

 之後就join埋羅霖同soku 

 去到第一城就join埋Michelle 

 行行下仲見到麗敏

 咁我地就一大班人行番學校

 唉....

 過門崗俾人捉頭髮

 不過冇記

 之後又唔記得拍八達通

 俾人叫起身lor sosad 

 其實謝sir做班主任都唔錯既

 因為Ben sir教我地3E Geog 

 所以我仲做左Geog科長

 落hall 

 要聽好多人廢up 

 不過好彩仲有謝sir帶唱詩歌

 呢首係我最鐘意既歌之一

 God Will Make A Way 

 我果陣心情仲係好好

 小息之後...

 番到課室

 發生左d事

 內容唔想再講

 果陣我先發現我地班男女分化得好嚴重

 唔單只係咁

 我地班仲有好多小圈子

 好多人都係2,3個人自己玩

 唔肯講野唔肯參與群體活動

 其實我真係高估左3E 

 一眼望落去張Name List度

 哇...呢班咁正既

 其實唔係lor

 但係麗敏堅持3E而家都係咁好

 或者係因為今日係第一日

 大家都唔係好適應

 希望...

 之後情況會好D啦

 我喉嚨好痛:'( 

 加上心情極差

 而家真係.....唉....

 今日唔好打俾我

 我講野會痛死

 食哂成包漁夫之寶都冇用:'( 

 續上面....

 我頭先打blog果陣仲係五六點

 哈哈

 我而家好開心

 頭先我唔記得左我喉嚨痛-,-

 諗都唔諗就聽左個電話 

 咳咳...而家痛死:'( 

 本身我勁唔開心lor

 俾你講多兩講

 我而家對3E好有希望lor咩事

 哈哈最好笑係你講番今朝Enson件事俾我聽

 我笑死左

 而家喉嚨都痛死左

 今日暑假Last Day啦

 玩盡佢xd

 今日約左成幾個月冇見過既馬騮出黎唱k 

 我地本身有叫麗敏架

 可惜麗敏最後都係冇黎

 唉.....

 我仲未同過麗敏唱k

 仲諗住今日可以開齋

 之後我地叫埋Enson落黎

 哇!一個暑假冇見

 Enson高左勁多

 哈哈

 今日唱k好開心阿

 第一次唔洗等人唱女仔歌

 不過其實好多男仔歌我都唱唔到:( 

 wakaka原來我都未同過Enson同馬騮唱k 

 原來佢兩個把聲好夾

 好好聽lor

 我好enjoy咁聽佢2個唱歌

 所以我一開始都冇乜點唱,有唱都勁細聲

 我唔敢唱阿

 破壞左就唔好啦

 不過之後我都有同佢地唱d既

 因為我唱得少

 所以俾佢地逼我solo左首淘汰

 哈

 今日好玩阿

 之後我地唱完k上左去碌拎

 馬騮d波好屎

 Enson好佢少少啦:D 

 講番琴日先

 琴日我+Honey羅霖+Michelle+彤彤b 

 一早出左MK

 行到腳跛-,-

 我買左個winnie the pooh筆盒

 honey羅霖買左三眼仔

 wakaka我地情侶筆盒

 之後諗住走

 見到果個好貴既vitamin water周街喺度派

 咁我地4個就過左去排隊

 wakaka

 我地勁好彩

 我地一過到去佢就截左隊

 最後我地4個人攞左5支

 4支藍莓1支火龍果

 媽的藍莓難飲到

 記住藍莓係黑色

 下次要買都唔好買黑色

 火龍果都ok好飲

 之後我地又上左Michelle屋企打牌

 dinner索性叫吉野家外賣

 點解我地可以咁爛賭

 最後我地打到9點半收工

 哈

 好彩你番左黎

 而家多左個人同我傾電話同SMS

 :D 

 琴晚喺macau食飯

 婆婆生日;] 

 見到好多好耐冇見過既表哥表姐

 個個出人頭地

 傾下計都幾開心

 有個表哥下年讀大學

 讀翻譯

 好似好勁咁

 不過佢以前好曳架

 而家咁鬼生性

 加油呀老表

 我撐你阿~

 走之前仲要同我講多句

 下年番黎,有咩唔識問我啦! 

 哈

 祝你生日快樂

 Happy Birthday To You

 如果冇記錯

 今日係你16碎生日

 記得正好在半年前

 2月26日

 你親口讓我對你死心

 對不起

 你不成功

 半年以來

 你一直還在我心裡

 我

 放不下你

 我依然愛你

 我

 依然

 希望你永遠快樂

 想對你說些話

 F.3 了

 記住

 locker記得要自己開

 common test 唔好成日臨急抱佛腳搵人幫手

 Music樂器考試記得要練好

 功課記得要自己做

 上堂記得要聽書

 我諗以後冇人會再咁傻仔幫你

 記住呀

 以後你一定要好好專心上堂

 以後嘛

 我想再沒有人會給我那樣的動力學習

 可是

 我一樣會好好的讀書

 ; ]