之前個幾日，晚晚入台去到12點幾先番屋企

中間又camp又bbq，晚晚勁夜訓

終於，我把聲好成功咁比我整沙左

仲要一場show都未on就沙。。。

其實又唔係真係拆晒咁既

不過唔夠清晰比我發姣囉XD

第一場係絕對既good show

Charles不斷比信心我地

但係我自知自未放晒

仲有進步空間

所以之後三場都好努力去用多d方法演好自己既角色

直到最尾一場

Charles係開show之前講左一段感人既說話

搞到個個都好想喊，有d甚至喊埋出來添

當然啦，無我份，鬼叫我冷血咩

但係，正正因為知道係最後一場

完左，就永遠唔會再有路得記

唔會再做艾比蓋兒

所以，呢次我比每一次都用心

每場出之前都捉人對一次，走一次位

唔知係咪太緊張呢

我竟然係平時做得最好個場漏左句lines

謝幕又唔記得夾好晒既野

所以我真係好想煎自己兩巴

或者係人地眼中，我就係一個好hea既人

書又唔溫，spacing又事事但但，執野又求求其其

但係我都會好完美主義

只係係我著重既問題上

尾場，個個都做得非常好

亦係獻比各位工作人員，觀眾既最後一場

但係因為我既失誤，變得好難睇，或者人地唔知唔在乎

不過我知道

完晒場之後，除左一幫幕前人員

其他人都好努力咁執野，清場

特別charles

佢除左管住幕前，仲要睇埋幕後

又係on show之前做好多野：編劇，填詞，教戲...

但係最後佢唔會同搶功勞，甚至連contact都無留

連影相都好似蠟像model咁

其他人可能覺得佢係搞緊gag，係到笑

但係我就覺得好無情

別離既時刻，大家都會感到悲傷，依依不捨

但係Charles就好似置身事外咁

我記得我講過覺得Charles好假，dislike佢

而家，我依然覺得佢好假，但係就唔再dislike

因為我發現左Charles真係好比心機教好我哋

唔係hea，唔係只係為工作，係用心。

佢既假係在於想我地開心，無壓力

或者佢知道自己係一個好認真既人

又可能佢唔希望有不捨既情緒

所以由一開始就acting

但係佢知唔知道佢咁樣只會令人更加唔捨得佢

係佢面前，可以感受到佢對藝術既執著

所以好容易感到壓力(可能得我係咁諗XD)

但係正正因為呢種壓力，我先有動力去push自己向前行

亦都因為佢呢種執著，更加令我想行戲劇既路

Charles既認真好容易感染到人

但係佢既不留戀真係令人好傷心

睇ig既時候見到fish post左路得記既合照

加埋歌詞

令我覺得charles填詞好似特登填比我地咁

若要再見 定有一天 再見

知道了 charles 不留戀

多謝您

[-完-]