今朝早ＴＶＢ重播《哈爾移動城堡》了，身為一個鐘意宮
崎作品既人，而且仲要係我呢種瘋狂（？）份子，當然有睇啦
！今次係我搬返上樓上後既第一次邊ｉ邊睇電視，感覺真係好
正！
《哈爾移動城堡》真係好好睇，不過唔知點解？近些日子
既我個腦好有問題，成日記唔到有關動畫ｄ野囉，點算呢？唉
…我唔得左《哈爾移動城堡》個結局…不過算啦，就當係第一
次睇咁啦唯有∼當我邊睇邊擔心哈爾、卡西火同埋蘇菲既下場
時，我就好憎自己唔記得之後既劇情…不過我好肯定既係，佢
地一定無事！因為我記得個結局唔係ｂａｄ ｅｎｄｉｎｇ黎
的。
其實我覺得以哈爾既能力，佢應該會留意到蘇菲係被人施
左魔法的。記得佢上既時候，我同細佬睇左之後，都明白左一
大半，後來係網上見到有關筆者對佢既感覺，入面提到筆者覺
得個作品無清楚交代蘇菲後尾點解會久唔久變返原本咁？記得
果時我睇左呢個訊息後，我都有問自己，我發現，自己其實都
有Ｄ唔明。但係今日睇完之後，唔知係咪因為我自己已經有左
個內定，所以無唔明個故事既想法？我覺得蘇菲之所以會咁樣
，可能係因為呢個魔法既破解方法就係好似蘇菲所思所想咁樣
去破解的，我唔係好識點講…就例如佢既思想變得平靜既時候
，就會變回原狀…之類啦∼嗯嗯，就係咁樣。
係蘇菲扮哈爾媽媽去搵莎莉文既時候，佢其實已經愛上左
哈爾，哈哈，真係好（笑），我覺得男、女主角要係一對咁先
好，嘻嘻∼第１步已經實現左啦，只係差哈爾，但係我已經唔
記得左之後既劇情，所以都好期待哈爾既「答覆」（＠＠）
最尾，蘇菲係危急既時候向哈爾告白，但係哈爾無即時比
反應佢。然後，講到蘇菲睇到哈爾細個果時點遇上惡魔、點樣
無左個心，其實個到無交待得好清楚，不過簡單地都明既∼應
該就係哈爾食左惡魔（？）－－得到惡魔既力量（？）然後佢
個心就被惡魔抽了出來，成了惡魔卡西火，卡西火呢個惡魔就
係囉左佢個心，同佢個心合而為一…之類，我仍然唔係好識講
，不過呢個都係我既諗法，我唔知係唔係？當蘇菲係「未來」
返到「過去」，知道左哈爾既事後，再次返到「現在」，正正
就回應返蘇菲之前係果到同哈爾講過話覺得自己以前好似黎過
咁。
蘇菲離開左果到，出返黎見到哈爾，然後哈爾再帶佢去搵
返卡西火佢地那幾場畫面，就係我最期待既地方！雖然蘇菲係
危急關頭做左件錯事－－用水撥息Ｄ火（卡西火），但係卡西
火無事，所以當蘇菲將個心（卡西火）「還返」比哈爾既時候
都無事，呢Ｄ我都好喜歡。哈爾有返心之後，卡西火從獲自由
，但係都係決定留返係哈爾身邊，我都好喜歡，相信卡西火都
係搵唔到一個比「哈爾既家」更好既地方（＠＠）當哈爾無事
之後，佢終於都表明自己既心意，最後同蘇菲一齊生活，啊啊
，真係好好呢！我好鍾意呢個結局！雖然蘇菲唔可以再同媽媽
、妹妹生活，但係佢可以同自己愛既人（哈爾）、喜歡既人（
卡西火同馬克）一齊生活，真係好好呢！稻草人又變回原形∼
最重要係…哈爾咁靚仔（＞／／／＜），能夠被個靚仔鐘意係
件好幸福既事黎的！！！
以上…就係我今次睇完《哈爾移動城堡》既感想，大約就
係咁。其實呢…我覺得我每次睇完之前寫返出黎既感想都可能
無咩分別？算啦∼別管它了∼∼
| 
