呢個星期, 一時熱到嘔,  一時落狗屎 ~ 搞到我都無晒MOOD!

又懶清櫃~

不過都做過下野, 就係整理好現有的東東, 分番類, 好等自己用果時方便D!
*因為之前同KIWI傾過呢個問題, 又真係發覺我好多野都係櫃底, 無機會帶佢出街見下人~

所以, 我將部份會用/常用既野整理好!

大而長的鏈, 放在上圖的盒子中! 每條都用個盒仔分開放~ 咁D鏈就唔會打晒交!
(我真係試過, 一早想戴某一條鏈, 點知....... 一囉出黎有十條痴埋一齊 -_-
最後求鬼其, 邊條出到黎先就戴邊條!
而家, 一目了然啦!!! 哈哈~ 但係... 客滿啦喎! 點算好~~~

而小小的短鏈, 亦都有分開放, 本來係用藥盒, 但我發覺藥盒最多得六格/七格~ 我已經有好多個~
都唔係好方便! 最後, 我係用ice tray黎放~ 叫做最慳位架啦!!! 一格剛好放一條鏈仔....
因為, 無端端唔知點解買左幾個番黎囉~
唔知邊個做的好事 XDDD
但, 又幾好用~

*個大盒係跟風買既, 亦確實幾好用 :P
不過我係想買一大個, 跟住有好多層櫃筒仔~
咁樣仲更加理想.... 如果邊個知邊度有得買煩請話我知! ~ 感激!

至於心口針, 就真係R晒頭~ 最後都係用番透明ZIP袋PACK好一件件, 一同放入大盒中!

無辦法啦, 心口針數量多得很! 但又用唔著喎, 試過扣一個心愛的在袋上, 高高興興的上街...
點知..............嗚嗚嗚~~~ 唔知走左去邊啦!!! 所以我以後都無再扣係袋上面啦!

咁, 我又唔會扣係衫度, 唯有....收埋佢囉 -_-

咁耳環呢? 其實我鐘意買但唔鐘意用, 因為我會敏感~ 但又唔鐘意用夾~
所以好少會換耳環, 咁咪唯有收到櫃底囉~
剛剛先執左一堆單隻耳環出黎賣啦, 我買左好多單隻, 係因為我覺得戴單隻好睇D... ~
但其實又無用過! 唉~ 家下無用就唯有放番出黎睇下有無人用得著佢地啦!!!

噓噓~ 分享部份係咁多啦! 遲點會努力執野出黎益街坊~ 因為, 我好似即將有好多野番!
有D擔心, 有D興奮....... ;P