小小分享~

我係明符其實既垃圾婆, 乜都鐘意乜都話靚! 咁就積埋積埋好多野囉!
星期六晚, 手痕痕就囉起D物資左串右串, 整左兩條束頭橡根來~
因為街買果D滿足唔到我, 太貴又唔捨得買喎... 咪唯有學人DIY下囉!!!
都整左好耐下, 因為整好又拆, 拆左又整.... 指頭痛先收手!!!

呢兩條都係用D舊鈕, 無家可歸既小CHARMS, 斷珠鏈黎做既, 左邊果一條仲有晒IDEA架...:P
右邊果條, 我試過束上頭, 又幾OK喎, 有D野FING FING下又幾靚! :P

總之就係左串下, 右串下~ 你鐘意串D乜菭去都得! 我又幾鐘意呢個玩意喎!
厭左又可以換款~ A+B又得, A+C又得~ FUNNY又EASY :)

星期日, 行街買左呢個銀包, 當然個BROOCH係我加上去架啦,
因為...原來果個假到無倫既假皮蝴蝶結實在太~~~樣衰!
仲有聰明既店主竟然將個價錢牌貼上去, 我一撕下, 果塊假到無倫既假皮跟住一齊比我撕掉.... -_-
唯有, 剪走佢囉! 跟住就揀一個相襯既BROOCH出黎啦~ 呢個無難度啦!
我有一堆, 乜STYLE都有而且無用過有!!!
最終揀左個高貴又可愛既閃石貝母扣上!!! 嘰嘰..喜歡喜歡~

仲有仲有, 仲買左兩件衫, 執笠清貨$80 FOR 2~~~ 話明唔買衫都要破戒!!!!

滿載而歸!