琴晚我搵唔到個銀包,超驚囉`＞﹏＜跟住同阿媽講喇,點知又比佢鬧..-3-佢問我有咩證件,我話有身份證牙,有D會員證..跟住佢話'連身份證都唔見埋?!做返一張要400幾蚊牙,你自己同你老豆講囉!'跟住就出左去食飯喇,我全程無提過呢件事,點知阿媽爆左出黎,比老豆先道左..－.－好彩阿媽無講到我連身份證都唔見埋姐,,唔駛臉阻阻咁食飯..^v^V跟住返到屋企,老豆提起呢件事,佢話我連八達通都唔見埋,,我話唔係,我張八達通唔係放係銀包!跟住佢問我有咩放係銀包入面..我話身份證囉!點知佢勁鬧我囉..T^T又話我無責任感喇,又話無啦啦帶咩身份證出街牙....跟住我想係書包到攞數學書出黎溫書喇,,點知搵搵下搵比我搵返個銀包喎!哈哈..我即刻話比老豆知,點知又比佢罵囉...佢話我廢,,搵野又唔搵清楚..我心諗,搵唔到你又鬧,,搵到你又鬧,,都唔知佢想點..不過好彩都搵得返個銀包,如果唔係我就大鍋喇``^v^V