上回講到第二日呀

到左第三日啦~我地ge首先就當然要去食左中午先啦

我地走左去西門町是但一間就沖左上去啦

冇錯~就係呢間

冇錯就係呢間

之後我就叫左個唔記得左叫咩ge飯~又係好好食

現實                                                                                                       張圖

都唔係差好多ge~唔好以為黃色嗰d係芝士會好滯呀

你整開左佢之後係純白色嫁

佢係用乳酪嫁~~食再多都唔怕滯

仲有一個重點~你只要+少少$

你就可以任飲嫁啦

有各種汽水 仲有百香果茶  咩可爾必思

食食下仲比我見到有間咁ge髮型屋 叫做"亂剪" (唔係掛)

白痴姐妹花又黎啦

之後我地就去左動物園啦~

冇錯~你冇睇錯我地去左台北動物園呀~

冇計~因為佢太平啦

兩個人只要120台幣 再+上本旅遊指南都有介紹到

因為佢係動物園呀所以佢連d燈柱都係咁ge樣                 長頸鹿花紋

佢個動物園真係好鬼大

又好乾淨  又好多椅比你休息

又唔係好多人  有d地方基本係冇人添

行得不知幾梳乎

有樹熊  好近好清楚  唔知係唔係澳洲送比佢地嫁呢

唔知點解 動物園要有兔仔同葵鼠

仲要係養埋一齊添  真係得意到爆呀

好多隻呀~ 好想住係入面呀~

哈~~哈~

仲要比小鄉鄉見到傳說中ge羊駝(ps:姐係草泥馬)                 ge老豆(駱馬)

佢沖左入去影唔到   睇住個招牌先  佢個樣夠鄉鄉笑足3日

講下笑姐~小鄉鄉真係睇到羊駝嫁~

佢兩隻+埋小鄉鄉可以笑足一個星期

小鄉鄉仲睇到中國送比台灣ge 團團 圓圓啦

你睇下佢地幾得意~~

講下笑姐~呢d先係

佢地d耳仔生得好搞笑呀~~

仲有超大隻老虎

就係我地後面  如果佢突然撲過黎 小鄉鄉應該會心臟病發

唔好以為呢d係我地無聊自拍呀~

你細心睇下第1張

有個駱駝頭嫁               第二張有斑馬             第三張有長頸鹿嫁

特別要提下d長頸鹿

佢地唔知點解要一齊望住同一個方向 係咁望 成5  6隻一齊望住同一個方向都幾搞笑

成舊望夫石咁

休息時無聊影下

其中一條路~好闊呀~~

分別係疲勞ge樣子 疲勞ge手 同 疲勞ge腳

咁樣先可以被你地睇到我地有幾勊

個動物園大到好似行極都行唔完咁

之後我地又幾經辛苦終於又番到去市區啦

第一時間就當然要行下街先啦

其中一條路啦又係~~

條街可以拍偶像劇啦~

之後我地又去左新光三越行下~

好就好在有冷氣呀嘛

仲有買左個雪糕一齊食 佢係炒雪糕黎嫁

姐係放舊雪糕係一塊凍石上面再放d配料係度壓黎壓去

塊皮仲係脆嫁~~

黑色嗰粒好酸呀~~

意思意思我地去左101啦

睇就真係冇咩睇

不過佢個電梯真係好快37秒上到88層

留心睇下~佢個表情係101黎嫁

夜晚我地去左食呢間

佢好就好在咩都係任食任飲

重有"heart緊帶"雪糕同另一間公司ge雪糕任食

又有布甸同其他d亂七八糟都可以任食嫁

番到酒店

我地又食係新光買番黎ge超出名布甸

康熙來了都有介紹過嫁~

好食到轉團團添(ps:詳情睇康熙啦~)

仲有買左盒另外ge

雞蛋布甸

好趣致呀~

咁就到左第4日啦~

呢日其實冇做過d咩~

因為我地5點就要去機場啦

但係我家姐又要買野比佢d同事

不過我地係中午就搶先一步去睇左"3D反斗奇兵"

香港要15號先有得做

咁小鄉鄉係係度就推薦下你地去睇啦

有邊個去香港就一定要去睇啦

真係好搞笑嫁

雖然佢做到第3集 但係就一d都唔無聊

個結尾仲幾有意思添

最尾就比你地睇下我地係酒店最後一日ge肉照啦

我個頭變左做咁ge樣 因為我綁起左成日

跟住落黎

大家要有心理準備啦

因為李孝利 同 蔡妍 黎左啦~

瘋癲姐妹花

呵~~~我地已經放開曬啦~~~~