又到了夜䦨人靜的晚上，想起昨天向上司說我將會辭職時的情景，挺有趣的。

我：我黎緊會辭職

他：啊！？你講咩？ 你係咪跟project 跟得辛苦得濟，我減返些工作量俾你

我：唔係呀，我黎緊會讀返書，要讀master

他：咁埋part time 讀囉

我：唔得呀，要full time

他：你讀咩

我：我呢，入黎哩間公司之後發現大家對耳仔的聽力不太重視，所以我就好想保護大家的聽覺⋯⋯

他：你咪玩啦，你講你想做咩 （我全程笑住口咁講，佢當我講笑＝。＝，成班同事都係到笑）

我：我認真嫁，我真係要辭職 

他：咁你讀咩

我：audiology

他：你想讀完返黎做專家

我：都唔同行

他：咁我點算

我：有緣千里能相會，你請返個人幫你手啦

他：咁你幾時走

我：8月頭

他：鳴⋯⋯

我好認真地講要辭職，他竟然以為我整估他，這畫面實在有些好笑。

在同一天，我個客又直接聯絡我老闆，你聽晚盡量搵人落去度聲（晚6到零晨6)

每次這個客的要求，我老闆就千方百計都要幫他安排，但他似乎不會考慮人手和其他方面的準備。

然後我前組長就立刻走過來問我 "聽晚去度聲，哩單野我落水，你落唔落水"

"我唔落水" 我斬釘截鐵地回答

"好，你係PM，你唔落水，我都有其他野做嫁" 講完逕自離開了。

那一刻我心裹喝彩，我為著我膽大地拒絕他再次不合理的要求而鼓掌。

有時堵住氣的會覺得，作為一個顧問，是應該由你去決定最合適的時間和安排，而不是個客想怎樣就怎樣⋯⋯

我還深刻記得第一次被無理要求星期日去度聲，還要在不需要詢間我的情況下自動落水，

星期日是特別分別出來敬拜上帝的日子，我那時沒想過要因為工作而缺席崇拜，

所以當遇上這樣的安排，那刻真的有被強逼的感覺，畢竟從來沒有說過要星期天工作。

但之後調整了心態，我容許有一兩次這樣突發的工作要求，但這次又再一次感到被強逼，

而終於我說得出，我"唔落水"這三個字，說完感覺很爽。