十二月廿三日，仍然係開PARTY既大日子。

呢日既1A派對都係學校舉行，不過有樣野唔同既就係SAC。

十一點正，我地六個就已經返到學校，搵左MISS IP就開始SET UP啦，

MISS IP今次仲買左兩盒朱古力比我地做禮物添喔，多謝晒。

而我地就比左張冇NUMBER既BINGO卡佢，等佢自己寫，好有心思喔xD

JOJO`PHOEBE`SARA`CRYSTAL`RAYMOND同我都好忙咁搞緊唔同既野，

首先就係搬檯同櫈啦，之後就搞支花炮、POWERPOINT，同埋遊戲要用既野。

突然之間我整爛左其中一支花炮，廢左！唉，我已經連續兩日都闖禍啦。

十二點正，幾乎全部同學都返齊晒黎啦，當然實有班同學會遲到囉。

果陣時，我地已經將SAC中間果道閘拉埋左，將兩部分隔開左，

過左冇幾耐，MISS IP就跟住JOJO入左SAC，

正當佢打開到閘果陣時，我`PHOEBE同CRYSTAL都向住佢發花炮，

至於身後既一大班同學就好齊咁同MISS IP講左句MERRY CHRISTMAS，嘻嘻！

奈何攞住支大既RAYMOND就完全爆唔到，笑鬼死我地啦！

最諷刺既就係佢用支大炮對住我咁試扭啦，突然之間，啲「炮灰」飛晒落我道……

MISS IP講番句「多謝！大家都聖誕快樂」之後就問我：「跟住點呀？」

我地幾個幫手鋪好張檯同埋開晒箱之後，就當然係食野先啦！

JUSCO啲野食都唔錯，個款式都有好多，最衰就係餐具同飲品唔夠。

食野果陣時，我地六個加埋MISS IP坐最前果張檯啦。

點知MICHAEL就無啦啦走左過黎整亂晒RAYMOND個頭，搞到佢成個阿叔咁-v-

之後我地遞左個咪比MISS IP講野，佢就話好開心好多同學都有黎道，

佢仲話希望未來我地無論係咩班都好，都可以再聚埋一齊，聽到真係好感動。

呢日基本上就係我地幾個去做主持，幾好玩丫，

食完野之後就先玩BINGO，就訂左要全部號碼中晒先為知贏，哈哈！

之後就正式開始玩遊戲啦，同樣都係要分組啦！

第一個遊戲就係WATCH THROUGH MY EYES，好成功。

介紹緊點樣玩果陣時，我隻腳又唔知做咩o了o了下咁整瀉左杯放左係檯底既飲料……

呢個遊戲就係每組都要派出幾位同學出黎飲醋同埋飲SOY SAUCE，嘻嘻。

標準賽玩完之後，我地諗住比MISS IP參與下啦，

於是就用群眾壓力去請MISS IP同我地癲埋一份。

我就係道問：有冇人想知道MISS IP既演技係點樣呢？

哇哈哈！成班同學都好識做，當然係講想啦！

MISS IP聽到之後就話HOW COME YOU PUT ME ON THE TABLE?

結果我`RAYMOND`PHOEBE同MISS IP就要上演一場大龍鳳。

各位同學都要估我地邊個對鞋入面有啲膠珠，估中果組就有TRIPLE分。

話說我地四個HIDE左係張膠檯布後面商討緊放珠落邊個道鞋道，

最出奇既就係MISS IP竟然自己請纓話比啲珠佢，

RAYMOND就好順手咁比左八粒佢啦，

點知MISS IP就好搞笑咁講：「咁多！少啲得唔得呀？」

最後，MISS IP將剩番果兩粒ZIP左係對襪入面，笑死左我啦！

佢仲係道扮晒野咁樣話：「哎呀！你快啲著番對鞋啦」，真係可愛。

突然之間，我聽到利天恩好大聲咁話：一定唔會係MISS IP囉，笑左。

我地圍住SAC跳左半個圈之後，仲要黎多次「腳爭」掂「大脾」，雙腳落地囉。

我`RAYMOND同PHOEBE都係道扮唔自在咁樣，FAKE左幾組。

最後，有兩組估係我；一組估PHOEBE，淨係得MICHAEL果組估MISS IP。

開估果陣時，PHOEBE話唔係我；我就話都唔係我；RAYMOND話原本係我，

而MISS IP就笑住咁樣講：其實係我。呀！真係太太太搞笑啦。

每個遊戲之間都有BINGO環節，而RAYMOND就代我玩埋。

話說好多時我個NUMBER都中左，所以就比佢稱為「千王」-v-

其實我都唔夠MISS IP勁，佢果張自訂既BINGO CARD幾乎中左一半。

第二個遊戲可以話係其中一個重頭戲，就係WASABI BISCUITS，

由於個玩法同辣辣壽司一樣，我地淨係講左個賽制同埋示範左兩次就正式開始啦。

小組賽就用循環制啦，每場比賽其實都好激烈，

有啲組輸左就食塊搽左WASABI既餅乾，佢地食到喊晒咁樣，好似好攻鼻。

有啲同學就借啲野冇食到，攞張紙巾包住，但係最後比我地發現下，下場更慘，哈哈！

PHOEBE叫勢色唔多妥，就叫我落左地下買左四包維他奶上黎比佢地解下辣咁樣啦。

最後就只有利天恩同埋陳冠達果組出線，佢地就要係準決賽道決一勝負。

結果陳冠達都唔夠利天恩咁領導有方。同時間，我地發現MISS IP係SAC消失左……

我地睇埋MICHAEL果組食WASABI食到喊之後，我就同埋SARA加JOJO落番一樓。

敲下道門就問MAY I SEE MISS IP PLEASE? 佢伸左個頭出黎，我地就請佢上番SAC啦。

原因就係呢個遊戲既決賽MISS IP要聯同我地六個對準決賽既勝方。

MISS IP就話：「你都傻既-v-我知你地想做乜！我特登早啲落番黎既。」

唉！呢一番說話搞到MISS IP好似好怕輸同好細個咁樣囉xD

最後利天恩`JASMINE`KARINA`JOANNE`BRIAN同TIMOTHY就對我地司儀組；

至於MICHAEL就成為左呢一場最重要既角色：裁判！

話說呢一場比賽既戰況非常激烈，其他同學都圍攏住我地，有多人仲攞住部相機拍短片添！

每當我地贏左一局之後；我就會尖叫一聲，有氣勢嘛；奈何跟住好快又輸番一鋪比佢地。

最好笑既就係有一次RAYMOND唔記得要講野啦，

利天恩就話我地要罰，跟住裁判就出聲話：我係裁判，我話唔洗罰。

點知利天恩都係唔服氣，結果MISS IP就走出去，我話唔計就唔計。

呢一句野即刻震撼全場，我地成組都為佢呢句咁有POWER既野鼓掌！

最後我地既比分去到四比四，我同RAYMOND就提議DEUCE，要連攞兩分至得，

點知是福不是禍，是禍擋不過。我地司儀隊最尾以六比四輸左比利天恩，唉……

點解會咁樣架，我地司機儀組既陣容咁強大，仲有MISS IP坐鎮，真係好慘。

我地輸左之後，佢地一隻二隻攞住啲餅乾過黎，臉上既笑容暗示住一句：

之前你地六個係咁迫人食WASABI，今次你地仲唔死？

其實呢次係我首次食WASABI，平時既我都係點豉油食壽司架炸-v-

我簡左一塊比較少啲啲WASABI既餅乾黎食，INGA同幾個人就走過黎笑住咁講：

你快啲食啦！我想睇下你食完個樣係點呀？話說我擺左塊野之後，就直接吞左落喉嚨。

起初都冇咩特別既，但係過左三秒之後就開始攻鼻啦，啲眼水差少少都流埋出黎，

我宜家終於知道點解佢地會食得咁樣啦，特別係FREEMAN食到塊臉紅晒，喊晒口咁-v-

過左大約十五秒，終於平靜番少少啦！攻鼻既感覺都慢慢消失LU…嘻嘻！

最尾一個遊戲就係叫做QUIZZING TIME，首先就係搶答題啦。

原本就諗住佢地出黎搶枝擺左係張櫈道既咪，點知就發生左件意外：

VICKY同其他男參賽者鬥快搶咪果陣時，佢個頭撞左去張檯道，隻手又瘀埋。

之後佢就係其他同學既照顧下坐埋一邊，MISS IP就即刻攞個冰袋比佢……

係佢養傷既果一段時間，我地六個就諗過個新既搶答方式啦，

始終呢個玩法已經發生左意外，我地冇做到安全檢測，就要檢討下，唉！樂極生悲。

結果我地就決定叫佢地將雙手放係地下，數完一二三就鬥快舉，我地十二隻眼就望到實。

跟住果個環節就係障礙題，班同學就要係SAC既每一處收集啲問題紙，限時十五分鐘，

而RAYMOND就將其中一張痴左係窗口啲blind道，

點知之後好多組走過去睇都搵唔到，唉！大家都係去驗眼吧啦。

坦白講我一開始諗住呢個遊戲先係重頭戲，點知個結果係完全相反……

最尾一部分就係要每組搵兩位同學扮演心目中既MISS IP，幾搞笑哇！

JACKY同CARMEN就都係用番MISS IP既ONE TWO THREE啦，

點知MISS IP最尾就問JACKY：「我啲英文邊度係咁架？」

唉！如果MISS IP講英文係講啲咩 “GOOOOD WOR”，就真係笑死人啦；