十月十二日，週年學校運動會既前夕，好期待。

IH`出乎意料地呢兩堂唔算眼訓，太好啦！

Miss Law就同我地revise左一堂之後就教香港早期經濟。

唉！其實我對於呢啲課題冇咩太大既興趣-.-

PE`冇High jump，因為驚自己好易整親，咁聽日就發揮唔到。

但是福不是禍，是禍擋不過。我成日跳左一次遠，就係呢次即刻拉傷。

不過好好彩，晏啲隻腳都冇咩事……塊玻璃終於快速瘉合啦。

之後跑左七個圈，有少少攰，不過就當練氣咁跑。

之後就教我地Crossover，我呢個籃球白痴連Dribble都未得，

學咩人挽咁多花巧野，仲話Crossover要黎考試喎，死得！

Maths`又有一個小測，同隔離、附近既人既答案唔同，冇信心。

另外，我最尾果一分鐘心血來潮，覺得自己識計果條數。

點知我寫到最尾果個step（指既係答案），就聽到PENS DOWN！

事後我同佢講番啦，佢就好輕佻咁講左一句：「咁慘牙？」佢好過分！

我開始食果陣已經13:20，奈何Miss Leung要我地一點半返到去練POEM。

結果我地兩個都遲左五分鐘。不過冇所謂，起碼佢話我地有進步先啦！

IS`Mr. Li同我地講番啲上次做實驗既details，跟住又播ETV，

同樣地我愈睇愈眼訓，隻眼乾到打唔開……Zzzzz

睇完ETV之後佢就比我地睇佢同四個仔影既相，

佢果兩個孖仔細個果陣時真係好得意喔！

Mr. Li仲成日同佢老婆帶埋啲仔去行山，好似好好挽咁^^

之後RAYMOND就話Mr. Li個大仔係佢既小學同學，世界真細小。

跟住就有個IH QUIZ，入到禮堂Karina仲睇住本IH書，

點知果個Mr. Hui就走過黎話：「你第一次考試牙，仲溫書!?」

我同RAYMOND聽到之後，覺得佢串爆。佢行路果陣仲要KIU手囉！

成份卷做得都幾趕下，有幾題會有少少錯，同埋唔肯定囉。

測完又要飛奔去運動場，因為又要練波啦，當係練體能，追下波囉。

今日總共打左六局單打、兩局雙打，真係好爽喔！

首先就唔係狀態下同盧諾希打，比佢炒11:0，真係好核特。

不過好彩之後報到仇，一直DEUCE，結果贏27:25，好有滿足感。

之後果四場單打都贏落去，通殺！雙打拍盧諾希，又通殺！

宜家十一點半啦，始終聽日會好激烈，所以都係時候訓啦，

黃社！黃社！唔可以包尾，唔可以好似上年咁，加油加油。