十月十一日，加埋訓得四個半鐘，

始終前一晚都成兩點鐘先至訓，冇所謂啦！

中文堂`處於嚴重缺乏笑點既狀態；

班周會`講中國既經濟發展，我就嚴重失去精神，

所以播短片果陣時我就當然小睡……

中史堂`愈黎愈鍾意上啦，林SIR真係好搞笑。

唔只添呀，呢日Dexter同Martin仲扮回眸一笑，

實在笑鬼死我啦！睇落去有「自行扣喉」（等同：嘔）既衝動。

食完飯上左堂英文之後，就跟大隊去士美菲路打學界啦。

臨離開課室之前，Miss Leung贈我一句Good Luck，多謝哂。

東區就落好大雨，去到中環就停晒，去到堅尼地城出太陽。

唉！呢一程車用左我十三蚊呀，有冇得同學校claim番？

士美菲路市政大廈原來裝修得好令，仲好大添喔！

今日就對港島民生書院，打五盤三勝制。

經過一番商議之後，終於傾好邊個打邊局啦：

第一局單打由我地羽毛球校隊既吳卓文打；

第二局雙打由鄺永廷拍盧諾希；第三局單打就鄺永廷負責；

第四局雙打就吳卓文拍蘇同學；第五局就由小弟包底。

吳卓文第一局就先拔頭籌，大炒對方21:7；

第二局就真係好激烈，我地原本落後緊成8分，

之後就窮追猛打咁，結果就追番平19:19，

奈何最尾要打deuce果陣時我地輸23:21，真係好慘！

由於鄺永廷是日狀態唔好，加上膊頭傷傷地，輸左。

第四局吳卓文打得好好地，但點知佢個拍擋好似好緊張咁，

好多球都打個高得黎唔遠既波比人，結果當然被人殺啦；

有時揮拍果下仲快過個波，當然最後就打空氣啦……

最後我地學校就以最局數3:1輸左比同區既學校。

之後佢地話打埋第五局，不過當friendly match咁打啦，

我就當然冇咩所謂，其實友誼賽仲好，因為可以放低所有心理包袱。

好自卑咁，我發現自己殺波唔順手，多數殺落網；

咁我就咁住放佢網啦，終於成功啦。點知自己追波唔夠快，輸21:19，可憐！

比賽正式完左之後就自己打多左一陣，差唔多六點先至走。

但最慘既就係我成七點半先返到屋企，沖埋涼，食埋飯，做埋功課又十一點……

況且我IH同數學都未溫得熟……唉！忙到痴線。不幸地，一點先訓得-.-