先旨聲明，我會一口氣打晒四日既野，

所以我絕對相信呢篇野會係非常長……

九月廿六日，可以廿點鐘起身已經係一件好事。

話晒尋日佢地打四圈打左好耐，不停「林」莊，

結果就用左成三點幾鐘打完，果陣都五點啦……

九月廿七日，又係一個上課日啦。

呢日有個關於V2既講座，超級悶，

我情願留番係課室上中文堂，都唔想係禮堂半訓半聽。

仲有添呀，呢個禮座既內容好行，好無聊！

中史堂`係成個禮拜可以笑下既一堂，

林Sir今日仍然習慣性走音同埋唔知扮咩野。

今日我突然發覺每個禮拜一既時間都好唔夠用，

夜晚臨訓前突然之間驚驚地，好質疑聽日我做Maths Quiz既能力。

結果就計左成廿題先至好訓教……雖然好多都識得計，

但係就愈計愈燥底，加上facebook件事，就發左小脾氣。

九月廿八日，朝早就有個社員大會。

我企係一班唔識既人開會果陣時，心情好無奈-.-

之後就開始派下啲「傳單」，跟住再上台介紹下自己。

唔知係咪未開聲問題，講左句野發現自己把聲沙沙地，

不過慶幸上天憐憫，好快就冇事啦！

但坦白講，個氣氛始終唔算太熱烈，可能係社長問題。

頭果兩堂I.H.堂，就係Critical Thinking Lessons，

同樣地係上年果位Maggie Hui教，冇咩太大既特別。

我對於批判性思考有啲驚，始終我邏輯方面較弱。

P.E.`用手指頭去做掌上壓，變態架！跟住就跑七分鐘，冇停過。

之後Mr. Hung再教起跑-.-　同埋比我地挽long jump同high jump！

上完呢兩堂PE之後成身濕晒，好唔舒服囉！

返左學之後就去左打波，一啲都唔順手，殺波殺落網，

雙打開波開得唔好，接教練啲波好易攰，打親單雙打都輸，咩事呀？

打完波之後發現兩隻腳條筋都出現問題，果然名副其實係個玻璃人。

九月廿九日，成日都係處於一個好無聊既狀態。

Computer`仍然係搞個excel，但佢唔講點做，好迷網。

Music`再一次幫手伴奏校歌，今次慢左少少，

我要promise自己，下個禮拜一唔準再炒，唔會再有壓力，加油！

中史`林SIR今日啲gag多到數唔盡，話說好似又扮女人囉，好搞笑呀。

返左學之後就去左學琴，又學新歌啦，USH！

九月三十日，九月份最後一個工作天。

根據記憶，今個月應該淨係欠左Another World一次，好慘！

今日就有個升旗典禮，跟住就有一大串ECA宣傳，

聽聽下突然發覺啲英文好似有錯囉，跟住我就搵下Miss Ip係邊度，

當我一望到Miss Ip果陣時，發現佢恥笑地搖頭，我即刻DUP低個頭係度笑。

English`又有一個Group Project要做啦，就係寫劇本同演繹出黎，

話說一個月後交定稿，兩個月後要演繹……仲趕過Music Concert囉，咩事？

兩個月內要背稿、排位等等好麻煩既野，救命呀！

最慘就係最多只可以五個人一組，換言之我地要取捨一個人，好慘。

I.S.`話說今日科學堂實在太好玩啦，起碼有笑點先嘛！

首先要提就係我地今日個實驗好成功，

原因就係以lighter取代我地既死敵──火柴。

話說我太耐冇用Bunsen burner啦，所以就好樣衰咁講左句野……

話雖如此，樣衰唔只我一個人，Jacky比我更悽慘：

話說佢幫SARA執番粒後者整跌既花生啦，

跟住Mr. Li落堂之前就話：「好啦，跟住係講故仔時間」，

佢以「瓜田李下」呢個故仔開頭，講笑咁話佢望人(唔開名比較好)裙底……

唉！小心啲啦！好似好缺乏執野既技巧-.-

最陰公就係佢之後成日都係我地成班既焦點喔！

晏咒就同Matthew Lee，Ricky佢地去左大快活道食，好平喔！廿一蚊炸。

飯後兩堂I.H.堂，係兩分鐘既時間睇左幅地圖，結果錯一個炸，好耶！

之後就一直講地震果啲野，雖然有啲悶，不過都幾開心！

返左學就趕番屋企，同樣地一換好衫，又要再落運動場啦。

呵呵！我發現柴灣呢個場有利於我，是關今日接教練啲波冇咁易攰，

接多左好多個添呀！雖然打左場雙打輸左，但起碼果六場單打輸一場！

我實在太開心啦，嘻嘻！之後，Mrs. Chung講左啲學界比賽分組比我地聽。

話說我地Grade B呢一組有聖馬可、港島民生仲有兩間，好恐怖。

主要原因就係聽講呢兩間學校既羽毛球校隊都好勁喔……

打完兩個鐘之後，發現隻腳唔太屬於自己，酸痛、冇力……唉！