話說呢幾日忙到氣都冇時間透，真係好慘……

九月二十日，Putonghua`仍然係好悶下，

始終我本人對於普通話呢種語言冇咩興趣。

Hall Assembly就真係好有趣，

話說校長話我地唱校歌唱得唔夠大聲，

等到個assembly完左之後仲要留低男仔係個hall道唱，

好彩我同ricky都係後台道姐，原因就係唔洗唱，呵呵！

至於數學、中文同英文都冇咩特別，幾乎就黎訓著。

晏咒就係間燒味店買左啲飯返學校食，平到爆呀！

單拼同雙拼都係十二蚊炸，推介加埋讚好呢！

放左學之後就上左去SAC，有個Chairmen Training Workshop，

成個流程都係冇咩特別，走果陣時落好大雨，超級麻煩。

一返到屋企沖左涼之後又要仆出銅鑼灣，

最後再次返到屋企都已經九點啦，連夜晚果餐都未食，

啲功課又鬼死咁多喎，真係想死都冇時間喔……

九月廿一日，仍然係三號風球生效既情況下返學。唉！

綜合人民`終於開左個新既話題──自然災害……都過得好既^^

P.E.`由於落好大雨，兩班80人聚集晒係cover playground……

做左一堆出汗既熱身之後，就用最後果三十五分鐘不停跳，

我完全想像唔到呢樣咁無聊既活動可以攞出黎同中學生挽-.-

仲話練咩agility（靈敏度），完全睇唔出有咩關係囉，對唔住。

English`是次學年既第一次默書，冇咩特別。

晏咒就同Sara, Ricky, Crystal, Phoebe去左明記道食，等左好耐-,-

I.S.`仍然係有少少笑點啦，始終好過冇。可惜既係冇得做實驗。

返左學就係學校開左個黃社會議，果班高form幹事好無聊，

所謂既建議更可以話係「不知所謂」，唉！真陰公。

最後又去左球場練波啦，好開心！但係可能有一個禮拜冇打既關係，

殺波好有問題，好似唔夠力咁囉，好慘！

跟住打左兩場雙打，比兩個經驗豐富既師兄炒成十分。

跟住再環繞個場跑五分鐘，同埋一個好變態既體能訓練……